Bu əlamətdar gün Prezident İlham Əliyevin 2004-cü il 21avqust tarixli Fərmanına əsasən təsis edilib. Fərmana əsasən, ölkəmizin bütün təhsil müəssisələrində dərslər sentyabrın 15-də başlanır.
Bu gün də hər il olduğu kimi birincilərin və məktəbə gedən şagirdlərin ən sevincli günüdür. Həmişə olduğu kimi ölkənin ümumtəhsil məktəblərində bilik günü qeyd edilir. O cümlədən, Bakı şəhəri Zakir Yusifov adına 194 nömrəli tam orta məktəbdə 15 sentyabr bilik günü keçirildi.
Tədbirin açılışında məktəbin Direktoru Elnarə Zeynalova çıxış edərək tədbir iştirakçılarını və şagirdləri bilik günü münasibətilə təbrik etdi və çıxışında məktəbin yetişdirdiyi tələbələrin uğurlarından, qazandıqları nəaliyyətlərdən danışdı. İlk tədris ilində övladları məktəbə gedən valideyinlər də yeni dərs ilində şagirdlərə uğur və müvəffəqqiyyət arzuladılar. Daha sonra tədbir birincilərin son zəng səsiylə məktəbə daxil olmaları ilə yekunlaşdı.
Biz də "AYMEDİACOMPANY.AZ" ailəsi olaraq yeni tədris ilində bütün ümumtəhsil ocaqlarına daxil olan şagirdləri və tələbələri yeni dərs ilinə başlamaları münasibətilə təbrik edir, zehin açıqlığı və müvəffəqqiyyət arzu edirik.
Fərid Əmiraslanov
"AYMEDİACOMPANY.AZ" mədəniyyət işləri üzrə direktor müavini
