AYMEDIACOMPANY.AZ xəbər portalının xüsusi müxbiri Fəxri Nəsirli
Bu dəfə Ağdam rayon sakini Günay İsmayılovanın müraciətini dinləmək üçün onunla görüşdük. Günay xanım uzun müddətdir aliment məsələsi ilə bağlı ciddi problemlər yaşadığını bildirir. Onun sözlərinə görə, hazırda 11 min manat aliment borcu yığılıb.
Günay İsmayılova qeyd edir ki, yaranmış vəziyyət onu çox çətin duruma salıb. O, maddi sıxıntılar içində olduğunu, övladlarının gündəlik ehtiyaclarını qarşılamaqda çətinlik çəkdiyini deyir.
Müsahibimiz söhbət zamanı çox pis vəziyyətdə olduğunu, dəfələrlə müraciət etməsinə baxmayaraq, probleminə lazımi diqqət göstərilmədiyini bildirib. Onun sözlərinə görə, bu vəziyyət həm özünü, həm də övladlarını çətin durumda qoyub.
Günay İsmayılova Bərdə İcra Şöbəsinin fəaliyyətindən narazılığını ifadə edərək aliment borcunun ödənilməsi üçün müvafiq tədbirlərin görülməsini istəyir. O, probleminin həlli məqsədilə aidiyyəti dövlət qurumlarına və Azərbaycan Respublikasının Prezidentinə müraciət edərək kömək göstərilməsini xahiş edir.
Biz də vətəndaşın müraciətini ictimaiyyətin və aidiyyəti qurumların diqqətinə çatdırırıq. Ümid edirik ki, məsələ araşdırılacaq, Günay İsmayılovanın şikayətinə baxılacaq və problemin həlli istiqamətində lazımi addımlar atılacaq.
AYMEDIACOMPANY.AZ xəbər portalı olaraq qarşı tərəfin mövqeyini də işıqlandırmağa hazırıq.
Fəxri Nəsirli
"AYMEDİACOMPANY.AZ"
