İsrail ordusunun bölmələri Suriyadakı hadisələr fonunda İsrailin nəzarətində olan əraziləri Suriyadan ayıran Qolan təpələrindəki bufer zonasına daxil olub.

Bu barədə İsrail ordusunun mətbuat xidməti xəbər verib.

"Suriyada baş verən son hadisələrdən sonra, o cümlədən silahlı şəxslərin bufer zonasına daxil olması ilə bağlı vəziyyətin qiymətləndirilməsinə uyğun olaraq, İsrail Müdafiə Qüvvələri bufer zonasına və bir sıra digər məntəqələrə qoşun yeridib", - deyə bildirilib.

Qeyd olunub ki, bu, Qolan təpələrində [İsrail] yaşayış məntəqələrinin və İsrail vətəndaşlarının təhlükəsizliyini təmin etmək üçün onun müdafiəsi üçün lazımdır.