Türkiyə Suriyada nizamlanma məsələlərində Rusiya və İranın konstruktiv yanaşmalarını yüksək qiymətləndirir.

Bu barədə Türkiyə xarici işlər naziri Hakan Fidan Dohada keçirilən mətbuat konfransında bildirib.

"Dünən Suriyanın gələcəyi üçün əhəmiyyətli bir gün idi. Astana formatında olan ölkələr - Türkiyə, Rusiya, İran son hadisələri müzakirə etmək üçün bir araya toplaşıb. Biz Rusiya və İranın konstruktiv yanaşmalarını yüksək qiymətləndiririk. BMT-nin Suriya üzrə xüsusi nümayəndəsi də bizimlə idi. O da böyük töhfə verdi", - deyə o qeyd edib.

Nazir bildirib ki, Türkiyə Suriya məsələsində regional və beynəlxalq aktorlarla əməkdaşlığı davam etdirəcək.