Şərq ölkələrində ən populyar olan Novruz bayramı Suriyada 1963-cü ildən qadağan edildi.. Novruzu Suriyada qadağan edən indiki prezidentin atası, dünyanın ən qəddar 5 diktatorundan biri Hafiz Əsəd idi. Hafiz Əsəd hakimiyyətə gələndə Novruzu qadağan etməklə müsəlmanlara düşmənçiliyinin ilk işartısını göstərdi.
Bir çox oxucumuzun Hafiz Əsəd haqqında heç bir məlumatı yoxdur. Odur ki, bu əli xalqının qanına bulanmış diktator haqqında kiçik də olsa bir məlumatlandırıcı məqalə hazırlamağı özümüzə borc bildik.

Deməli, Suriyanın hərbi, siyasi və dövlət xadimi, Suriyanın müdafiə naziri , Suriyanın baş naziri, Suriya prezidenti , general Hafiz Əsəd‎ 6 oktyabr 1930 –cu ildə Suriyanın Qərdahə şəhərində doğulub, Fransız Suriya və Livan mandatlığına nail olması onu addım-addım vəzifəyə ucaldıb. Nəhayət 1971-ci ildə Suriyanın prezidenti seçilib. Tam 29 il Suriyanın birinci adamı olub. Xalq onu da, onun idarəçiliyini də sevməyib. Daha dəqiqi, nifrətlə xatırlayır.

Həmin dövrün yazarlarının dediyinə görə, Hafiz Əsəd hər seçkidə özünə 90 faiz yazdırır, demokratik dünyəvi müxalifəti tutur, türmələrə basır, öldürürdü. Bu səbəblə də 29 il hakimiyyətdə qalmağı bacarır.

Yazar Nicat Əkbərov məqaləsində qeyd edir ki, o, əvvəlcə ölkənin strateji postlarına öz ailəsindən və məzhəbindən olan insanları yerləşdirmişdir:"Bu kadr siyasəti Əsədin ailə iqtidarının davam etməsində əhəmiyyətli rol oynamışdır. Kollektiv liderlik prinsipini mənimsəyən Əsəd, siyasi sistemi öz mərkəzi ətrafında formalaşdırmışdır. Başqa sözlə, Hafiz Əsəd daxili siyasətdə etnik və məzhəbi fərqlilikləri əsas götürüb azlığın idarəçiliyini təmin etmişdir.

Hafiz Əsəd rejimi kürdlərdən əsasən öz daxili sabitliyini qoruyub saxlamaq üçün bir vasitə kimi istifadə etmişdir. (Hafiz Əsədin cəza dəstələri müsəlman olmayan (yezidi) kürdlərdən ibarət idi. red-Ə.R). Hafiz Əsəd rejiminə qarşı bir çox sui-qəsd və silahlı hücumlar təşkil etmişdir. Bu hücumlar 80-cı illərdən etibarən Hələb və Hama kimi şimal şəhərlərində tələbələr, həmkarlar təşkilatları, habelə tacirlərin qoşulduğu bir çox etiraz aksiyası ilə müşayət olunmuşdur. Rejim bu aksiyaların qarşısını əsasən hərbi üsullarla almışdır”.

Bəli, Əsəd rejimi üçün özünü riqqətə gətirməyin bir yolu vardı, öldürüb sağ qalmaq, idarə etmək və yaşadığı həyatdan zövq almaq.
Yazar N. Ələkbərov qeyd edir ki, 1979-cu ildə rejimə etiraz edən “Müsəlman Qardaşlar” təşkilatının üzvlərinin Hələbdə hərbi təhsil alan 80-dən çox silahsız tələbəni öldürməsi rejimə əhalinin etirazının pik həddi hesab edilirdi.

1980-cı ildə Əsədin yeni bir qanun qəbul edərək, Müsəlman Qardaşlara üzvülüyü böyük cinayətlər siyahısına daxil etməsinə səbəb oldu və bu emosiyaları daha da qızışdırdı. Müsəlman Qardaşlar öz fəaliyyətini yenə də gizli şəkildə davam etdirdi. Lakin 1982-ci ildə rejim tərəfindən Hamada on minlərlə insanın öldürülməsiylə törədilən qətliam Müsəlman Qardaşlar təşkilatı üzvlərinin ölkəni tərk etməsinə gətirib çıxardı.

Beləcə, zəngin neft ölkəsi olan Suriyanın nefdən gələn gəlirləri ilə güclənən Hafiz Əsəd rejimi növbəti qırğını daha dəhşətli olur. 2 fevral 1982-ci ildə Suriyada Hama qırğını heç vaxt baş verməyən bir kütləvi qırğın oldu. Hakimiyyət xalqın üzərinə ordu yeritdi.

Əvvəlcə çevrilişlə hakimiyyəti ələ keçirən Hafiz Əsədə qarşı Hama şəhərində qiyam çıxdı. Üsyanı basdırmaq üçün Suriya ordusunu göndərən Hafiz şəhərin günlərlə bombalanması əmrini verdi. Bombardmanlardan sonra tanklarla şəhərə girən Suriya ordusu dağılmış binaların içində gizlənənləri çıxartmaq üçün zəhərli qazdan istifadə etməkdən belə çəkinmədi.
Beynəlxalq Əfv Təşkilatı Hama qırğınında 10 - 25 min arası adamın öldürüldüyünü, qeyri-rəsmi müşahidəçilər isə bu rəqəmin 40 minə yaxın olduğunu bildirirlər.
Suriya vətəndaşları yaşadıqları iqtisadi tənəzzüldən, aclıq və səfalətdən, söz –hüquq azadlığından məhrum olmaqdan, səbəb olmadan həbs edilməkdən, dəlixanalarda və xəstəxanalarda ağılamaz işgəncələr görməkdən təngə gəlir, qurtuluşu Hafiz Əsədin nə vaxtsa cəhənnəmə vasil olmasında görürdülər.

Amma tale onlara Hafiz Əsəddən də qorxunc bir lider verəcəkdi. Beləki, 10 iyun 2000- ci ildə Hafiz Əsəd ölür.Amma ölməmişdən əvvəl oğlu Bəşər Əsədi yerinə təyin edə bilmişdi. Əslində hakimiyyətə Hafizin qardaşı Basil gələcəkdi. Basil avtomobil qəzasında öl(dürül)dükdən sonra Bəşər atasının qoyduğu qaydalara əsasən prezident seçildi.

Atasının 29 ildə suriyalılara etdiyi bütün zülmləri təkrar edən B.Əsəd əlavə bir cəza makinəsi də yaratdı. O, ölkəsini dəhşətli morqa çevirən orqan mafiyası yaratdı. Bəli, Suriyada 16 ildir davam edən vətəndaş müharibəsi nəticəsində bu ölkədən Avropaya üz tutan qaçqın ordusundakı yüz minlərlə uşaq müxtəlif mafiyaların qazanc mənbəyinə çevrilib.

2017-ci ilin hesabatlarında bildirilir ki, Suriya və Yaxın Şərq ölkələrindən Avropaya gələn təqribən 337 min qaçqın uşağın 88 mini tam sahibsizdir; nə valideynləri, nə də doğmaları var.

Hesabatın ən dəhşətli məqamı isə həmin himayəsiz uşaqların 60 faizinin Avropaya gəldikdən sonra itkin düşmələridir. qaçqın uşaqların yoxa çıxmasında “rekord” göstərici “sabit və təhlükəsiz” Almaniyaya məxsusdur: nə az, nə çox – 9 min nəfər. Onların da əksəriyyəti 14-17 yaşlı yeniyetmələrdir. Həyat şərtlərinin qalmadığı Suriyadan canlarını götürüb Almaniyaya sığınan uşaqların bu “mədəni ölkə”də izsiz-xəbərsiz yoxa çıxmaları geniş ictimai qəzəb doğurub.

Hazırda Bəşər Əsəd 24 ildir prezidentlik kreslosunda oturaraq suriyalılara qan uddurmaqdadır. Bu əlbəttkə qayəsi səlibçilik olan(müsəlman dünyasını məhv etmək) olan səlibçi Qərb dünyasına, Avropaya sərf edən bir rejim olduğu üçün Suriyadakı qanların qarşısını kəsməyi, insanlığın məhvinin dayanmasına əngəl olmağı düşünmürlər. Çünki Avropa qazanır, çünki səlibçilik inkişaf edir.

Bir də Avropanın acgözlüklə baxdığı neft yataqlarını istədikləri kimi talan edirlər. ABŞ Suriyadan hər il hasilatdan əlavə 30 milyar dollar qazanır. Suriyada vəziyyəti düzəltmək Avropa və ABŞ-a lazım deyil.

Əntiqə Rəşid