Vyana konqresi (1814-1815-ci illər) : Vyanada 1814-1815-ci illərdə keçirilmiş konqres. Konqresdə İngiltərə, Rusiya, Avstriya və Prussiya əsas rol oynayırdı. Onların əsas məqsədi Napoleon tərəfindən istila edilmiş ölkələrdə monarxiya qaydalarını bərpa etmək, Avropada və digər yerlərdə əraziləri yenidən öz aralarında bölüşdürmək və inqilabi hərəkata qarşı mübarizə aparmaqdan ibarət idi.Konqresin qərarına görə:
■ Varşava daxil olmaqla, Polşanın bir hissəsi və Finlandiya Rusiyaya keçdi.
■ Avstriya Venesiya və Lombardiyanı öz tərkibinə qatdı.
■ Roma vilayətində Papanın hakimiyyəti bərpa edildi.
■ Alman dövlətlərindən ibarət " Alman Ittifaqı " yaradıldı.
■ İngiltərə isə Avropada hegemonluğunu bərpa etməklə yanaşı, Hollandiyanın keçmiş müstəmləkəsi Kap torpağını, Seylon adası və Maltanı ələ keçirdi.
■ Konqresdə inqilabi hərəkata və Osmanlı imperiyasına qarşı mübarizə aparmaq üçün " Müqəddəs ittifaq " yaradıldı