Hindistanın xarici işlər naziri Subrahmanyam Caişankar Pakistanın mümkün hərbi hərəkətlərinə qarşı “çox sərt” cavab veriləcəyini bəyan edib.
Jaishankar bu açıqlamanı Yeni Dehlidə keçirilən “20-ci Hindistan-İran Birgə Komissiya iclası” zamanı İranın xarici işlər naziri Abbas Əraqçi ilə görüşdə səsləndirib. O qeyd edib ki, Əraqçinin Hindistana səfəri ölkənin “Pahalgam terror hücumuna” cavab verdiyi dövrə təsadüf edir.

Nazir bildirib ki, bu hücum Hindistanın transsərhəd terror infrastrukturunu hədəf alaraq cavab verməsini zəruri edib: “Cavabımız məqsədyönlü və ölçülüb-biçildi. Biz vəziyyəti gərginləşdirmək istəmirik. Lakin Pakistan tərəfindən bizə qarşı hərbi hücum olacağı təqdirdə çox sərt qarşılıq veriləcək, buna heç bir şübhə olmasın”.

Qeyd edək ki, Hindistan son zamanlar Pakistanla sərhəddə baş verən silahlı toqquşmalar və terror aktları səbəbilə bölgədə artan gərginliklə qarşı-qarşıyadır.