“Alimlər təsdiq edirlər ki, itin burnu iybilmə baxımından misilsiz həssaslığa malikdir. Onların iybilmə xüsusiyyətləri insanlarla nisbətdə təqribən yüz min dəfə artıqdır”.
Bunu Baku TV-nin efirində yayımlanan “Qarabağ xronikası” verilişinin yeni buraxılışında aparıcı, hərbi jurnalist Fərdin İsazadə ANAMA əməkdaşlarının dördayaqlı sadiq dostlarının təlimi barədə danışarkən deyib.
O, elmi araşdırmalara əsasən itlərin havada dolaşan trilyonlarla qoxu zərrəciklərini bir-birindən fərqləndirə, identifikasiya edə bildiyini xatırladıb.
“Amma bir itin iybilmə xüsusiyyətinin ən əsas özəlliyi onun həmin trilyonlarla qoxu zərrəciklərinin içindən məhz lazım olanı ayırd edib müəyyənləşdirməkdir”, - deyə o, əlavə edib.
Bəs mina axtaran itlər necə yetişdirilir və onların istifadəsinin hansı maraqlı məqamları var?
Bu barədə ətraflı süjetdə:
