Tbilisi Cümə Məscidində ölkəmizin dövlət sərhədində Ermənistan silahlı qüvvələrinin genişmiqyaslı təxribatı və 44 günlük Vətən müharibəsi zamanı həlak olmuş Azərbaycan Silahlı Qüvvələri hərbçilərinin anım mərasimi keçirilib.
“Alyans” Gənclər Mərkəzinin təşkilatçılığı ilə baş tutan anım mərasimində Azərbaycan icmasının fəalları, o cümlədən “Borçalı-İrəli” ictimai birliyinin rəhbəri, mərkəzin müəllim-tələbə heyəti və valideynlər iştirak ediblər.
Soydaşlarımız şəhid hərbçilərimizin ruhlarına dualar oxuyub, şəhid ailələrinə, Azərbaycan dövlətinə və xalqımıza dərin hüznlə başsağlığı veriblər.
Sonra mərasim iştirakçıları müasir Azərbaycan dövlətinin qurucusu, görkəmli dövlət xadimi Heydər Əliyevin paytaxt Tbilisidəki büstünü ziyarət edib və böyük ehtiramla abidənin önünə güllər düzüblər.
