Rəqəmsal inkişaf və nəqliyyat naziri Rəşad Nəbiyev fevralın 8-də saat 10:00-da İmişli şəhərində Sabirabad, Saatlı, Füzuli, Beyləqan, Xocavənd və İmişli rayon sakinlərini qəbul edəcək.

Bu barədə nazirliyin saytı məlumat yayıb.

Qəbul mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda fevral ayı üzrə vətəndaşları qəbulu cədvəlinə əsasən həyata keçiriləcək.

Nazir bu bölgələrdə göstərilən nəqliyyat, telekommunikasiya, o cümlədən internet, teleradio yayımı və poçt xidmətləri sahəsində əhalini maraqlandıran məsələlərlə bağlı vətəndaşları dinləyəcək.

Qəbul İmişli şəhərində yerləşən Heydər Əliyev Mərkəzində keçiriləcək.

Qəbula yazılmaq üçün fevralın 7-nə qədər Rəqəmsal İnkişaf və Nəqliyyat Nazirliyinin Çağrı Mərkəzi (1655) və elektron poçtu ([email protected]), 010 250 48 48 və 012 598 58 58 (daxili 222 və 290) nömrəli telefonlar vasitəsilə müraciət etmək mümkündür.