Hər bir dövlətin müstəqilliyinin, suverenliyinin əsas atributlarından biri də onun silahlı qüvvələridir. Azərbaycan Ordusunun 1918-ci ildən başlayan keşməkeşli və şərəfli inkişaf yolu hərb tariximizin möhtəşəm səlnaməsidir. Sevindirici haldır ki, zamanın sınağından alnıaçıq, üzüağ çıxan silahlı qüvvələrimiz istənilən hücumdan qorumağa qadir bir qüvvə kimi günümüzün danılmaz reallığına çevrilmişdir.
1918-ci il 26 iyun tarixli fərmanla Azərbaycan Milli Ordusunun yaradılmasına başlandı. Avqustun 1-də AXC-nin Hərbi Nazirliyi təsis edildi. General Səməd bəy Mehmandarov dekabrın 25-də hərbi nazir, general-leytenant Əliağa Şıxlinski nazir müavini təyin edildilər. Qısa müddətdə Milli Ordu Osmanlı dövlətinin Qafqaz İslam Ordusu ilə birlikdə Bakını və ətraf qəzaları erməni-bolşevik işğalından xilas etdi.
Bu hərbi birləşmələr Muğanda və Əsgəranda milli hökumətə qarşı baş vermiş qiyamları yatırmaqda yüksək səriştəlilik göstərdi, Qazaxda Azərbaycan sərhədlini pozmuş erməni nizami ordu hissələrini darmadağın etdi. Azərbaycan ordusunun Hüseynxan Naxçıvanski, İbrahim ağa Usubov, Həmid Qaytabaşı, Kazım Qacar, Cavad bəy Şıxlinski, Həbibbəy Səlimov kimi generalları var idi. AXC süqut etdikdən sonra bolşevik hökuməti Milli Ordunu ləğv etdi.
Onun rəhbərlərinin əksəriyyəti Nargin adasına aparılıb güllələndi. Sovet hakimiyyəti dövründə də Rusiya imperiyasının azərbaycanlılara qarşı hərbi siyasəti dəyişməmişdi. Sovet dövründə çar dövründən fərqli olaraq azərbaycanlı gənclər hərbi xidmətə çağırılırdılar, lakin onlar döyüş üçün nəzərdə tutulmuş hərbi hissələrdə yox, əsasən tikinti batalyonlarında xidmət edirdilər.
Məqsəd aydın idi — azərbaycanlılar arasında hərb elminə dərindən yiyələnən, müasir silahlarla rəftar etməyi bacaran hərbçilərin yetişdirilməsinə imkan verməmək. Bu siyasətin mahiyyətini yaxşı başa düşən Heydər Əliyev Azərbaycanda hakimiyyətə gəldikdən sonra, 1971-ci il iyunun 20-də C. Naxçıvanski adına ixtisaslaşdırılmış hərbi məktəb təşkil etdi. Dövlət başçımız azərbaycanlı gənclərin Bakı Ali Birləşmiş Komandanlıq və Bakı Ali Hərbi Dənizçilik məktəblərinə, eləcə də SSRİ-nin digər hərbi məktəblərinə güzəştli şərtlərlə qəbul olunmasına nail olmuşdu.
C. Naxçıvanski adına Hərbi Liseyin milli zabit kadrlarımızın yetişdirilməsində və o dövrdə ali hərbi məktəbləri bitirmiş şəxslərin silahlı qüvvələrin formalaşmasında müstəsna rolu vardır. Bu məktəblərdə yetişən Azərbaycan hərbçiləri Birinci Qarabağ müharibəsində misilsiz igidliklər göstərmişlər. Azərbaycan öz dövlət müstəqilliyini bərpa etdikdən sonra milli ordunun yaradılması günün ən vacib məsələsinə çevrilmişdi.
Tarixi varislik ənənəsinə uyğun olaraq Prezidentin fərmanı ilə Azərbaycan Xalq Cümhuriyyəti dövründə Milli Ordunun yarandığı 26 iyun günü Azərbaycan Silahlı Qüvvələri Günü kimi bayram edilir.
Silahlı Qüvvələrimiz 105-ci ildönümünü böyük ruh yüksəkliyi, döyüş və mənəvi-psixoloji hazırlıqda qazandığı nailiyyətlərlə qarşılayır.
Ali Baş Komandanımızın qeyd etdiyi kimi, Azərbaycan Ordusunun peşəkarlığı, döyüş qabiliyyəti artır, Azərbaycan əsgər, gizir və zabitləri Vətənə ləyaqətlə xidmət edir və öz Vətəninə sadiqdirlər. Bizim bütün hərbi hissələrimizdə, xüsusilə də cəbhədə yerləşən hərbi hissələrdə Azərbaycan əsgərinin vətənpərvərlik hissi çox yüksəkdir. Azərbaycan Ordusunun maddi-texniki təchizatı ən yüksək səviyyədədir.
Biz bunun bir daha şahidi olduq, Silahlı Qüvvələr günü münasibətilə N saylı hərbi hissədə olduq. Əsgərlərimizi, hərbçilərimizi bu gün münasibətilə təbrik etdik, müğənnilərimiz öz rəngarəng çıxışları ilə xoş ovqat yaratdılar. Nümunəvi xidmət göstərən bir neçə əsgərlərimiz fəxri fərmanla təltif olundu.
Hərbçilərimizi təbrik etmək üçün "Dəmir Yumruq Alfa-A" cəmiyyətinin sədri Ülviyyə xanım Əsədova, "AY MEDİA COMPANY"-nin təsisçi direktoru, "Dəmir Yumruq Alfa-A"cəmiyyətinin sədr müavini Almaz xanım Yaşar, ŞƏHİD Ceyhun Orucovun anası Nazimə xanım, "Qanunyolu TV.az" təsisçi baş redaktoru Arif Süleymanlı, "ATATV.az", "İXA TV.az" təsisçi direktoru Rəsafil Bayramov, Xeyrullayeva Məsmə xanım GTİB (Gənclərin Töhfəsi İctimai Birliyi) Unicef tərəfindən erkən uşaqlıq dövrünün lahiyyəsində Abşeron uzrə sosial iscisi, bəstəkar müğənni Yaqut xanım Almaz, müğənnimiz Mətanət xanım, bədii qiraətçi Fərid Kərimli və başqaları hərbi hissədə olublar.
Bu gün ŞƏHİDlərimizi də unutmadıq.... onların xatirəsi bir dəqiqəlik sükutla yad edildi, qəhrəmanlıqlarından danışıldı.... *_Hər gün onların günüdür... Müəyyən günlərdə insan daha çox axtarır onları. Amma hər an hiss edirik... Sevinirik, gülürük, kədərlənirik... Qısası, yaşayırıq. Heç vaxt tamlıq hiss etmədən, həmişə bir tərəfimiz yarım qalmış şəkildə..._*
*Bütün ŞƏHİDLƏRİMİZİN ruhu şad olsun.*
Hər birinizə möhkəm cansağlığı, uzun ömür, ailə səadəti və şərəfli xidmətinizdə müvəffəqiyyətlər arzulayırıq. Hər bir AZƏRBAYCAN ƏSGƏRİ xalqımızın qürur mənbəyidir!!! 26 iyun - Silahlı Qüvvələr günümüz mübarək!
Gün o gün olsun ki, tarix 1005 illiyini qeyd etsin... və bu günün ŞƏHİDLƏRİ, QAZİLƏRİ o gün də yad edilsin, gələcək nəsil bu qəhrəmanlığı heç unutmasın.
BİZ SİZİNLƏ FƏXR EDİRİK!!!
ALMAZ YAŞAR
"AY MEDİA COMPANY"
