Sentyabrın 4-də Mədəniyyət Nazirliyinin dəstəyi və "Mirvarid Dilbazi Poeziya Məclisi" İctimai Birliyinin təçkilatçılığı ilə Cəfər Cabbarlı adına Respublika Gənclər Kitabxanasında Xalq yazıçısı Əzizə Cəfərzadənin anım günü keçirildi.
Tədbirdə yazıçının oğlu Turan İbrahimov, "Mirvarid Dilbazi Poeziya Məclisi"nin rəhbəri Güllü Tomarlı, şair Əhməd Qəşəmoğlu, aktyor Əli Nur və digər əzizəsevərlər iştirak etdi. Görkəmli yazıçımızın xatirəsini yad edənlər onun yaradıcılığının yurdumuzda vətənpərvər nəslin yetişməsində misilsiz xidmətini xüsusi vurquladılar. Eyni zamanda tədbir iştirakçıları Əzizə Cəfərzadənin bir tədqiqatçı alim kimi araşdırmalarının onun ədəbi yaradıcılığına güclü təsirindən, dilimizin saflığı uğrunda mübarizəsindən danışdılar.
Anım günündə yazıçının həyat və yaradıcılığına həsr edilmiş videoçarx göstərildi.
Rüstəm Rüstəmov
AYMEDİACOMPANY.AZ"
