Avqustun 26-sında Azərbaycanın Mədəniyyət Nazirliyinin təşkilatçılıgı ilə Laçın şəhər günündə Ali Baş Komandan, Prezident İlham Əliyevin rayon ziyalılari ilə görüşündə Azərbaycanın Milli Qəhrəmanı, Şəhid leytenant, 1-ci Qarabağ savaşının iştirakçısı Qorxmaz Eyvazovun oglu- polis mayoru Asəm Eyvazov da vardı. Qeyd edək ki, yerli icra orqanının sərəncamı ilə Milli Qəhrəmanın adına Laçında küçə adı verilib. Bu hadisə kollektivimizdə sevinclə qarşılandı. Belə ki, teatrımızın repertuarında yer almış Hafiz Ataxanlının qələmə aldıgı, Xalq Artisti Firudin Məhərrəmovun quruluş verdiyi "Missiya" mistik dramında əsas qəhrəmanlardan biri məhz şəhid leytenant, Milli Qəhrəman Qorxmaz Eyvazovdur.
Bu hadisə fonunda Sumqayıt Dövlət Dram Teatrı özünün 55-ci mövsüm açılışını "Missiya" tamaşası ilə Laçında gerçəkləşdirməyə qərar verib. Tamaşa 19 sentyabr saat 18⁰⁰-da nümayiş olunacaq. Tamaşada hadisələr 44 günlük Vətən müharibəsində agır yaralanıb komaya düşən Xüsusi Təyinatlı Dəstənin mayoru Mübariz Eyvazovun ruhlar aləmində atası şəhid Qorxmaz Eyvazovla görüşü kontekstində cərəyan edir. Bu görüş fonunda şaxələnən hadisələrdə Azərbaycanın mücadilə və hərbi-siyasi inkişaf yolunun mənzərəsi aydınlanır, 44 günlük müharibənin taktiki-manevr üstünlükləri açıqlanır. Sonda Mübariz Eyvazov Ali Baş Komandanın məşhur "Şuşa bizimdir. Qarabağ Azərbaycandır" müjdəli səsinə komadan ayılır və Azərbaycan bayragını öpərək qürurla "Şuşam sən Azadsan" söyləyir.