Hadrut Fatehi, Vətən Müharibəsi Qəhrəmanı Camal İsmayılov Vidadi oğlu 7 iyul 1984-cü ildə Neftçala rayon Həsənabad qəsəbəsində dünyaya göz açmışdır. Anası Flora xanımın babasının adını daşıyan Camal, 1986-cı ildə 2 yaşında olarkən ailəsi ilə birlikdə Neftçala rayonundan Rusyanın krasnayarsk diyarının İqarka şəhərinə köç edir. Elə təhsilini də həmin şəhərdə alan Camal, 1990-cı ildə V.P.Atsafyev adına 1 nömrəli ümumtəhsil məktəbinə qəbul olur və bir il orada təhsil alır. Sonralar isə öz doğma vətəni, ata-baba yurduna - Neftçalaya gələrək təhsilini burada tamamlayır.

Qəhrəman qardaşımız Camal 15 il əvvəl Fatimə İsmayılova ilə nigaha daxil olur. Bu evlilikdən 3 övladı - iki qız, bir oğlan olur. 2009-cu il təvəllüdlü Əsmət, 2011-ci il təvəlldlü Əsnad və 2021-ci il 12 fevral tarixində günyaya göz açan Alpaslan. Müharibələrə qatılmazdan əvvəl oğlu olacağını öyrənən igid, ona Alpaslan adın verəcəyini bildirir. Atasının isdəyinə uyğun Alpaslan adını alan körpə, adı ilə birlikdə çiyinlərinə dünyanın ən ağır qəmi olan ata qəminidə alır...

Hadrut Fatehi, 2001-ci ildə müddətli həqiqi hərbi xidmətə yollanır. O, Azərbaycan Silahlı Qüvvələrində "N" saylı hərbi hissəsində xidmət edən zaman rəhbərliyin diqqətini cəlb etdiyi üçün Xüsusi Təyinatlı Qüvvələrdə xidmət göstərməsi qərarı alınır...
18 ildir ki, vətənə laiqincə xidmət göstərən igid, hərb sənətinin bir çox sahələrinə bələd idi, eləcədə rus, ingilis və düşmənin- erməni dilində səlist danışa bilirdi... Döyüş zamanı düşmənin dilini bilmək nəinki bir addım, klometrləcə iləridə olmaq deməkdir. Camalın həyat hekayəsi o qədər maraqlıdır ki, insan necə başlayıb necə sonlandıracağına qərar verə bilmir. Harda danışıb, harda susaq ki, bu igidin qəhrəmanlığını olduğu kimi əks etdirə bilək!? Heç kim, yazar, muxbir və ya həvəskar hansısa Şəhidin döyüş yolunu olduğu kimi danışa bilməz, bizim bildiklərimiz bilmədiklərimizin zərrəsidir. Çünki Şəhid məzarında yaralı nə'şləri ilə yanaşı təxmin edə bilməyəcəyimiz qədər 'Vətən sirri' yatır.

Qarabağın mühüm strateji mövqelərində qeyri döyüş apardı 4 igid. "Ölümü görən, həyatı oladuğu kimi görən" (Camal İsmayılov) 4 igid o gün - 19 oktyabrda 150-200 erməni vəhşisi ilə 7 saata yaxın əlbəyaxa döyüşdə olmuşdur. Çox heyif ki, Camal, Sübhan, Şəhriyar, Elyar kimi qəhrəman oğlullardan keçmiş zamanda danışmalı oluruq. Bəli, artıq o qanlı savaşdan 3 il keçir. Bu yaxınlarda -22.10.2023-cü il tarixində Neftçala rayon Həsənabad qəsəbəsində Camal İsmayılovun şəhadətinin 3-cü ildönümü qeyd edilib. Şəhidin ata ocağında ehsan süfrələri açıldı və Neftçala rayon Şəhidlər xiyabanında dəfn olan Camalın qərənfillərə, əklillərə qəlq olan məzarı ziyarət edildi. Tədbir zamanı Neftçala rayon və digar rayonlardan gələn Şəhid ailələri, Rayon İcra hakimiyyətinin nümayəndələri, din xadimləri, rayon sakinləri, müxtəlif qurumların nümayəndələri, "Dəmir Yumruq Alfa-A" cəmiyyətinin sədri Ülviyyə Əsədqızı, "AYMEDİACOMPANY.AZ"nın Baş direktoru Almaz Yaşar, "AYMEDİACOMPANY.AZ"ın bölgə muxbiri, Şəhidimizin Aərbaycan Respublikasının Xüsusi Təyinatlı Qüvvələrində fəaliyyət göstərən döyüş yoldaşları, vətənpərvərlər və bir sıra ziyalılar iştirak edib.