Ümumtəhsil müəssisələrində bu gün 18 mart Novruz bayramı ilə əlaqədar təntənəli mərasimlər keçirilir.
Bu gün də Xətai rayonunda yerləşən 194 saylı, Şəhid Zakir Yusifov adını daşıyan məktəbdə bayram şənliyi keçirildi. Bu münasibətlə sinif otaqlarında stendlər və guşələr quraşdırılıb, bülletenlər hazırlanıb, müxtəlif nominasiyalar üzrə müsabiqələr təşkil olunub. Sinif otaqlarında müxtəlif yaş qrupundan olan şagirdlərə təhsil müəssisəsinin rəhbəri Elnarə xanım və müəllim kollektivi xalqımızın qədim tarixini əks etdirən, milli adət və ənənələrimizi özündə ehtiva edən Novruz bayramının tarixi su, od, yel və torpaq çərşənbələrinin mahiyyəti, Novruz atributları haqqında geniş məlumat verdilər. Daha sonra şənliyin əsas hissəsinə keçid alındı. Belə ki, məktəböncəsi hazırlıq kursunun şagirdləri bir-birindən maraqlı şeirlər və bayatılar səsləndirdi. Bolluq, xeyirxahlıq, gözəllik bayramı olan Novruzun adət ənənələrini şagirdlər səhnəciklərlə göstərdilər. Şagirdlərin ifalarında milli rəqslər, xalq oyunları, Keçəl və Kosanın məzəli əhvalatlarının səsləndirilməsi, qız şagirdlərdən ibarət şagird qrupunun bayatılarla haqışda deməsi də tədbirə ayrıca bir rəngarənglik qatdı. Biz də "AYMEDİACOMPANY.AZ" kollektivi adından xalqımızın Novruz bayramını təbrik edirik.

Fərid Əmiraslanov
AYMEDİACOMPANY.AZ