2018-ci ildən uğurla fəaliyyətini davam etdirən, beynəlxalq yarışlarda ölkəmizi layiqincə təmsil edən "Qarabağ-Əlil Döyüşçülər" Futbol Federasıyası 2024-cü ildə inkişafında yeni mərhələyə qədəm qoydu.
Belə ki, bu ilin yanvar ayının 17-dən Federasiyanın Prezidenti cənab Rövşən Quliyevin tapşırığı ilə qurumun nəzdində fiziki məhdudiyyəti olan qadınlardan ibarət "Xarıbülbül" futbol klubu yaradıldı. Klubun yaradılmasında əsas məqsədlərdən biri ölkə üzrə fiziki məhdudiiyyəti olan xanımları idman vasitəsi ilə ictimai həyata qaytarmaqdır. Klubun rəhbəri Məsmə Xeyrullayevanın dediklərindən:
-Nəzərinizə çatdlrmaq istərdim ki, bu ilin yanvar ayından yeni yaradılan klubumuza fiziki məhdudiyyətli xanımları cəlb etməyə başlamışıq. Hal-hazırda komandaya 10 nəfər dəvət olunub. Onları həkim müayinəsindən keçirərək fitness mərkəzində trenajorlarda gündəlik məşqlərə cəlb etmişik. Bu mərhələ bitəndən sonra təcrübəli məşqçilərin nəzarəti altında komandamızın qızlarını stadionda yaşıl örtüyün üstündə məçq elətdirəcəyik. İlkin hədəfimiz "Xarıbülbül"dən başqa daha 3 komanda yaradaraq ölkə birinciliyini keçirtmək və beynəlxalq yarışlara vəsiqə qazanmaqdır. Bu şərəfli işdə Federasiyamızın Prezidenti Rövşən Quliyevə hərtərəfli dəstəyinə görə dərin minnətdarlığımızı bildiririk. Əsas məqsədimiz bu idnan növünü inkişaf etdirərək ölkəmizi beynəlxalq yarışlarda layiqincə təmsil etmək, Azərbaycanın üçrəngli bayrağını qaliblər sırasında dalğalandırmaqdır.
"Xarıbülbül" komandasıın yeni üzvü Mahirə Dövlətxanlı Federasiya rəhbərliyinə təşəkkürünü bildirərək böyük həvəslə məşq prossesinə başladığını xüsusi qeyd etdi.
Rüstəm Rüstəmov
"AYMEDİACOMPANY.AZ"
