***
1834-cü ilin bu günü Fransada İmpressionizm hərəkatının mühüm simalarından olan Edqar Deqa (Edgar Degas) dünyaya gəlib. O daha çox rəqs mövzulu şəkilləri ilə tanınır. (1834-1917)
***
19 iyul 1870-ci ildə Fransa və Prussiya arasında müharibə başlayıb. 1871-ci ildə müharibədən Otto Bismarkın rəhbərlik etdiyi almanlar qalib çıxdılar. Fransa Elzas və Lotringiya bölgələrini itirdi. Fransanın üzərinə ağır təzminat qoyuldu, ordusu tərk-silah edildi. 1918-ci ildə, I Dünya müharibəsinin yekununda eyni aqibət Almaniyanı gözləyirdi.
***
Məşhur rus şairi Vladimir Mayakovski 19 iyul 1893-cü ildə Gürcüstanın Bağdadi kəndində anadan olub. Yaradıcılığının ilk dövründə futurizmə meyl edən (“Şalvarlı bulud” poeması) şair Oktyabr inqilabının qələbəsindən sonra daha çox sosializmi mədh edən əsərlər yaradıb. Vladimir Mayakovskinin yaradıcılığında Azərbaycan, xüsusən Bakı mövzusu da əhəmiyyətli yer tutur. Şair 1930-cu ildə 37 yaşında intihar edib. (1893-1930)
***
19 iyul Azərbaycan realist teatr-dekorasiya sənətinin yaradıcılarından olan Rüstəm Mustafayevin xatirə günüdür. О, tamaşaların bədii tərtibatında milli motivlərdən geniş istifadə edib. Azərbaycan Opera və Balet Teatrında opera tamaşalarına çəkdiyi dekorasiya eskizləri bu baxımdan fərqlənir. Cəmi 30 il ömür sürmüş Rüstəm Mustafayev həm də Nizami Muzeyinin bədii tərtibatının müəlliflərindəndir. (1910-1940)
***
19 iyul 1915-ci ildə opera müğənnisi, xalq artisti Ağababa Bünyadzadə anadan olub.
***
1918-ci ilin bu günü Rusiya Sovet Federativ Sosialist Respublikasında ilk konstitusiya qüvvəyə minib.
***
Yüngül atletika üzrə Azərbaycan məşqçisi Əfqan Səfərov 1918-ci ilin 19 iyulunda dünyaya gəlib. 1945-ci ildən “Dinamo” cəmiyyətində fəaliyyətə başlayan Ə.Səfərovun yetirmələri 5 dünya, 7 Avropa, 100-dək SSRİ rekordu əldə ediblər. Aleksandr Kornelyuk isə olimpiya çempionu olub. (1918 – 1990)
***
1920-ci ilin bu günü Xalq Cümhuriyyətinin qurucularından biri, 1918-1920-ci illərdə Azərbaycan parlamentinin sədr müavini olmuş Həsən bəy Ağayev Tiflisdə erməni terrorçuları tərəfindən qətlə yetirilib.
***
19 iyul 1940-cı ildə Londonda müharibə ərzində avtomobil ticarəti ilə məşğul olmaq qadağan edilib.
***
19 iyul 1952-ci ildə Finlandiyanın paytaxtı Helsinkidə XV Yay Olimpiya Oyunları başlandı. Bu olimpiada iştirakçılarının sayına görə bura qədərki ən iri yarış idi. Sovet idmançıları, eləcə də digər sosialist ölkələrinin nümayəndələri ilk dəfə idi ki, olimpiya oyunlarında iştirak edirdilər. Azərbaycan bu yarışlarda SSRİ-nin seçmə kollektivi heyətində 5 idmançı ilə təmsil olunmuşdu. Onlardan Rəşid Məmmədbəyov sərbəst güləş yarışlarında gümüş medala layiq görülmüşdü.
***
19 iyul 1954-cü ildə Elvis Presli "Thats All Right Mama" adlı ilk albomunu çıxardı.
***
19 iyul 1980-ci ildə Moskvada Yay Olimpiya Oyunları başladı. Ancaq SSRİ-nin Əfqanıstanı işğalına etiraz bildirən, ABŞ başda olmaqla, 65 ölkə olimpiadanı boykot etdi.
***
19 iyul 1990-cı ildə Nyu-York Federal Məhkəməsi Harun xəzinəsinin Türkiyəyə qaytarılması üçün başlanılan məhkəmə işində Türkiyənin lehinə hökm verdi. Metropoliten İncəsənət muzeyinin rəsmiləri ilə 363 hissədən ibarət xəzinənin Türkiyəyə qaytarılmasına dair razılıq əldə oludu və xəzinə 1993-cü ilin oktyabrında Ankaraya gətirildi.
***
19 iyul 1993-cu ildə PKK Vanın Baxçasaray rayonunun Sündüz yaylasından uzun lüləli silahlarla atəş açdı, 15 uşaq və 9 qadın həlak oldu.
***
19 iyul 2009- cu ildən etibarən Türkiyədə bütün restoran, meyxana və başqa qapalı məkanlarda siqaret çəkilməsi qadağan edildi.
