Amma bu ölkənin prezidentinin ötən gün Fransa ilə bağlı verdiyi bir açıqlama müəyyən mənada Azərbaycan üçün də önəmlidir. Çünki Niger-Fransa münasibətləri kimi Azərbaycan-Fransa münasibətləri də hazırda olduqca gərgindir. Ona görə də dünyanın müxtəlif nöqtələrində Fransaya qarşı baş verən etirazlar və ya Fransanın törətdiyi haqsızlıqlar barədə xəbərləri, şərhləri izləmək bizim üçün də vacibdir.
Öncə ondan başlayaq ki, Niger 2022-2023-cü illərdə Fransa ilə münasibətləri həddindən artıq pisləşmiş və hətta sıfırlanmış dörd Afrika ölkəsindən biridir. Digər ölkələr isə Burkina-Faso, Mali və Mərkəzi Afrika Respublikasıdır. 2023-cü ildə Niger rəhbərliyi Fransanın təkcə əsgərlərini, DGSE-nin (Fransa Xarici Təhlükəsizlik Baş Direktorluğu) bütün agentlərini deyil, hətta fransız səfirini də ölkədən qovdu.
Lakin Makron Fransası Afrikadan tamamilə çəkilmək, Niger, Mali, Benin, Çad və digər ölkələrin yaxasını buraxmaq, rüsvayçı neokolonializm (yeni sömürgəçilik) siyasətinə son qoymaq əvəzinə, əksinə, bu ölkələri cəzalandırmaq fikrinə düşüb. Paris bunun üçün hər cür məkrli vasitələrə əl atmaqdan çəkinmir.
Və budur, Niger prezidentinin səbr kasası daşır və o, açıq şəkildə Fransa hökumətini ölkəsində sabitliyi pozmaqda, terrorizmi dəstəkləməkdə ittiham edir...
Belə ki, Nigerin keçid dövrünün Prezidenti Abdurahman Tiani Nigerin Milli Günü münasibətilə ötən gün televiziyaya verdiyi müsahibədə Fransanı yenidən ölkəsində sabitliyi pozmaqda və Qərbi Afrikada terroru dəstəkləməkdə ittiham edib.
A.Tiani bildirib ki, "Nigerdə sabitliyi pozmaq kimi təxribatçı hərəkətlər ərazimizdən qovduğumuz Fransa DGSE-nin (Xarici Təhlükəsizlik Baş Direktorluğu) bütün agentlərinin yenidən yerləşdirilməsi ilə genişlənir. Onlar yenidən Benində və Nigeriyada yerləşiblər”.
Niger prezidenti fransız agentlərinin terror təşkilatları ilə əməkdaşlıq etdiyini bildirərək, sabitliyi pozmaq istəyinin fakt olduğunu deyib və bildirib ki, fransızlar 2023-cü ilin oktyabrın 25-26-da “Boko Haram” və “İswap” silahlıları ilə görüşüblər. "Onlar bu terrorçulara Nigeriya dövlətinə, eləcə də fransız əsgərlərindən onların ərazilərini tərk etmələrini tələb edən yeni Nigeriya hakimiyyətinə qarşı açıq müharibəyə getməyi təklif ediblər" ,- deyə A.Tiani xatırladıb.
Niger lideri həmçinin Fransanın terrorçulara silah çatdırdığını da söyləyib.
“Onlar 2024-cü il yanvarın 10-dan 11-nə keçən gecə eyni manevri təkrarladılar və yenidən iki vertolyot vasitəsilə fransız qoşunlarının təkliflərini qəbul etməyə hazır görünən “Boko Haram” terrorçularına hərbi texnika çatdırdılar... Bu silahların mənşəyini izləyə bilməməyimiz üçün onlar rəqəmləri sildilər. Bunlar fransızlar tərəfindən görülən tədbirlərdir və belə təxribatçı tədbirlər davam edir”, - deyə Niger prezidenti qeyd edib.
Lakin A.Tiani müsahibəsində Fransa tərəfinə qəti şəkildə xəbərdarlıq edib: “Onlara bildirin ki, biz onları izləyirik və lazımi vaxtda hərəkətə keçəcəyik".
Niger prezidentinin qeyd etdiyi bu məqamlar tam olaraq Fransanın dəst-xəttini, üslubunu təsdiqləyir. Fransa kolonialist və neo-kolonialist siyasət yürütdüyü bütün ölkələrdə, soxulmağa çalışdığı bütün regionlarda aşağı-yuxarı eyni üsullardan istifadə edir. Və Nigerin prezidenti Abdurahman Tianinin bu açıqlamaları Fransanın məkrli siyasətini ifşa etmək baxımından olduqca maraqlı məqama təsadüf edib. Paris Olimpiadasında yaşanan rüsvayçılıqlar onsuz da Fransanı bütün dünyada rəzil etməkdədir, Niger liderinin sözügedən şok açıqlamaları da Emmanuel Makron üçün, necə deyərlər, əsl Olimpiada sürprizi oldu.
P.S.
Yeri gəlmişkən, Azərbaycan da bir müddət öncə DGSE-nin casus şəbəkəsini ifşa edib. Belə ki, 2023-ci ilin sonlarında Ukrayna, Moldova, Gürcüstan, Azərbaycan, Şərqi Avropa, Yaxın Şərq və Mərkəzi Asiyanın bir sıra ölkələrində müxtəlif əməliyyatlara cəlb edilmiş Fransa xüsusi xidmət orqanlarının geniş agentura şəbəkəsi Azərbaycanın xüsusi xidmət orqanları tərəfindən deşifrə edilib ifşa olunduqdan sonra, Fransa prezidenti Emanuel Makron hətta Fransa Xarici Təhlükəsizlik Baş İdarəsinin (DGSE) rəisi Bernar Emyeni vəzifəsindən azad etməyə məcbur oldu.
Lakin buna rəğmən Fransa Nigerə və digər ölkələrə qarşı mənfur planlarından əl çəkmədiyi kimi Azərbaycana qarşı da pozucu addımlarını bir qədər kamuflyaj olunmuş formada davam etdirməkdədir. Dünyanı hörümçək toru kimi bürümüş fransız casusları iş adamı, jurnalist, müəllim, tədqiqatçı alim, bloger, səyyah, ekoloq-iqlimçi və s. adlar altında gizlənərək Parisdən verilən ən müxtəlif tapşırıqları icra etməyə çalışırlar...
Bəybala Mirzəyev
Öncə ondan başlayaq ki, Niger 2022-2023-cü illərdə Fransa ilə münasibətləri həddindən artıq pisləşmiş və hətta sıfırlanmış dörd Afrika ölkəsindən biridir. Digər ölkələr isə Burkina-Faso, Mali və Mərkəzi Afrika Respublikasıdır. 2023-cü ildə Niger rəhbərliyi Fransanın təkcə əsgərlərini, DGSE-nin (Fransa Xarici Təhlükəsizlik Baş Direktorluğu) bütün agentlərini deyil, hətta fransız səfirini də ölkədən qovdu.
Lakin Makron Fransası Afrikadan tamamilə çəkilmək, Niger, Mali, Benin, Çad və digər ölkələrin yaxasını buraxmaq, rüsvayçı neokolonializm (yeni sömürgəçilik) siyasətinə son qoymaq əvəzinə, əksinə, bu ölkələri cəzalandırmaq fikrinə düşüb. Paris bunun üçün hər cür məkrli vasitələrə əl atmaqdan çəkinmir.
Və budur, Niger prezidentinin səbr kasası daşır və o, açıq şəkildə Fransa hökumətini ölkəsində sabitliyi pozmaqda, terrorizmi dəstəkləməkdə ittiham edir...
Belə ki, Nigerin keçid dövrünün Prezidenti Abdurahman Tiani Nigerin Milli Günü münasibətilə ötən gün televiziyaya verdiyi müsahibədə Fransanı yenidən ölkəsində sabitliyi pozmaqda və Qərbi Afrikada terroru dəstəkləməkdə ittiham edib.
A.Tiani bildirib ki, "Nigerdə sabitliyi pozmaq kimi təxribatçı hərəkətlər ərazimizdən qovduğumuz Fransa DGSE-nin (Xarici Təhlükəsizlik Baş Direktorluğu) bütün agentlərinin yenidən yerləşdirilməsi ilə genişlənir. Onlar yenidən Benində və Nigeriyada yerləşiblər”.
Niger prezidenti fransız agentlərinin terror təşkilatları ilə əməkdaşlıq etdiyini bildirərək, sabitliyi pozmaq istəyinin fakt olduğunu deyib və bildirib ki, fransızlar 2023-cü ilin oktyabrın 25-26-da “Boko Haram” və “İswap” silahlıları ilə görüşüblər. "Onlar bu terrorçulara Nigeriya dövlətinə, eləcə də fransız əsgərlərindən onların ərazilərini tərk etmələrini tələb edən yeni Nigeriya hakimiyyətinə qarşı açıq müharibəyə getməyi təklif ediblər" ,- deyə A.Tiani xatırladıb.
Niger lideri həmçinin Fransanın terrorçulara silah çatdırdığını da söyləyib.
“Onlar 2024-cü il yanvarın 10-dan 11-nə keçən gecə eyni manevri təkrarladılar və yenidən iki vertolyot vasitəsilə fransız qoşunlarının təkliflərini qəbul etməyə hazır görünən “Boko Haram” terrorçularına hərbi texnika çatdırdılar... Bu silahların mənşəyini izləyə bilməməyimiz üçün onlar rəqəmləri sildilər. Bunlar fransızlar tərəfindən görülən tədbirlərdir və belə təxribatçı tədbirlər davam edir”, - deyə Niger prezidenti qeyd edib.
Lakin A.Tiani müsahibəsində Fransa tərəfinə qəti şəkildə xəbərdarlıq edib: “Onlara bildirin ki, biz onları izləyirik və lazımi vaxtda hərəkətə keçəcəyik".
Niger prezidentinin qeyd etdiyi bu məqamlar tam olaraq Fransanın dəst-xəttini, üslubunu təsdiqləyir. Fransa kolonialist və neo-kolonialist siyasət yürütdüyü bütün ölkələrdə, soxulmağa çalışdığı bütün regionlarda aşağı-yuxarı eyni üsullardan istifadə edir. Və Nigerin prezidenti Abdurahman Tianinin bu açıqlamaları Fransanın məkrli siyasətini ifşa etmək baxımından olduqca maraqlı məqama təsadüf edib. Paris Olimpiadasında yaşanan rüsvayçılıqlar onsuz da Fransanı bütün dünyada rəzil etməkdədir, Niger liderinin sözügedən şok açıqlamaları da Emmanuel Makron üçün, necə deyərlər, əsl Olimpiada sürprizi oldu.
P.S.
Yeri gəlmişkən, Azərbaycan da bir müddət öncə DGSE-nin casus şəbəkəsini ifşa edib. Belə ki, 2023-ci ilin sonlarında Ukrayna, Moldova, Gürcüstan, Azərbaycan, Şərqi Avropa, Yaxın Şərq və Mərkəzi Asiyanın bir sıra ölkələrində müxtəlif əməliyyatlara cəlb edilmiş Fransa xüsusi xidmət orqanlarının geniş agentura şəbəkəsi Azərbaycanın xüsusi xidmət orqanları tərəfindən deşifrə edilib ifşa olunduqdan sonra, Fransa prezidenti Emanuel Makron hətta Fransa Xarici Təhlükəsizlik Baş İdarəsinin (DGSE) rəisi Bernar Emyeni vəzifəsindən azad etməyə məcbur oldu.
Lakin buna rəğmən Fransa Nigerə və digər ölkələrə qarşı mənfur planlarından əl çəkmədiyi kimi Azərbaycana qarşı da pozucu addımlarını bir qədər kamuflyaj olunmuş formada davam etdirməkdədir. Dünyanı hörümçək toru kimi bürümüş fransız casusları iş adamı, jurnalist, müəllim, tədqiqatçı alim, bloger, səyyah, ekoloq-iqlimçi və s. adlar altında gizlənərək Parisdən verilən ən müxtəlif tapşırıqları icra etməyə çalışırlar...
Bəybala Mirzəyev
