“Qarabağ- Əlil Döyüşçülər Futbol Federasiyası” 2018-ci ildə təsis edilmildir. 1-ci Qarabağ müharibəsinin veteranı, ictimai xadim Rövşən Quliyevin təşəbbüsü ilə yaradılan, 27 dekabr 2018-ci ildə 1118-G65-3652 saylı qeydiyyat nömrəsilə Ədliyyə Nazirliyi tərəfindən qeydiyyata alınan QƏDFF-sı son 6 ildə həm Azərbaycan, həm də dünya miqyasında bir çox uğurlara imza atmışdır. Əlil döyüşçülər və amputant kişilərdən ibarət təşkil edilən futbol komandası dəfələrlə Türkiyə, Gürcüstan, Ukrayna və Polşada vətənimizi layiqincə təmsil etmişdir. Futbolçularımız 2022-ci ildə 16 komanda arasında Türkiyədə keçirilən beynəlxalq yarışda 4-cü yerə çıxmışdır. Bundan əlavə 2019-cu ildə Polşada keçirilən Avropa Çempionatında QƏDFF -nın kişilərdən ibarət yığma komandası 50 komanda arasında Azərbaycanı layiqincə təmsil edərək bayrağımızı ucaltmışdır. Bu mötəbər yarışda iştirak edən komandamıza “Heydər Əliyev Fondu” hərtərəfli dəstək vermişdir. QƏDFF-sı 2019-cu ildə Ukraynada “Amputant Futbol Federasiyası”nın yaradılmasına da dəstək verərək bu ölkədə amputant futbolunun inkişafına öz töhvəsini verdi. Bununla əlaqədar, Ukraynanın dövlət başçısı Vladimir Zeleniski QƏDFF-nın prezidenti Rövşən Quliyevə öz minnətdarlığını bildirmişdir. Hal-hazırda QƏDFF-sı qəbul olunan 2024-cü ilin təqvim planı üzrə fəaliyyətini uğurla davam etdirir. Federasiyanın əsas məqsədlərindən biri də ölkədə uşaq və qadın amputant futbolunu inkişaf etdirməsidir.
