Rəqəmsal İnkişaf və Nəqliyyat Nazirliyinin “Onlayn Azərbaycan” layihəsi
çərçivəsində Tərtər rayonunda mövcud ev təsərrüfatı və biznes subyektlərinə
GPON texnologiyası ilə yüksəksürətli internetə qoşulma imkanı yaradılıb.
Belə ki, Tərtər şəhərində şəbəkənin tikintisi başa çatıb. Şəhər mərkəzində 6788
təsərrüfatdan 3787 ev təsərrüfatı və biznes subyekti GPON xidmətlərindən
yararlanır.
Rayonun Seydimli, Hacıqərvənd, Buruc, Şəhləbad, Aşağı Sarıcalı, Yuxarı Sarıcalı,
Bayandur, Əskipara, Ələsgərli, Yenikənd, Düyərli, Söylən, İrəvanlı, Mamırlı, Yuxarı
Mamırlı, Hacalı, Alışarlı, Poladlı, Bildirçinli, Borsunlu, Kovdadıq, Umudlu,
Rəcəbbəyli, Sarov, Bəyimsarov, Qaynaq, Aşağı Qapanlı, Qazyan, Hüsənli, Azad
Qaraqoyunlu, İlxıçılar, Köçərli, Balakəngərli, Cəmilli, Dəmirçilər, Kəngərli,
Qaradağlı, Təzəkənd, Xoruzlu, Ağkənd, Kəbirli, Bayandurlu, Talış kəndləri və
Şıxarx qəsəbəsində 13695 təsərrüfat üçün şəbəkənin tikintisi başa çatdırılıb.
Ümumilikdə rayonda mövcud təsərrüfatların 95%-dən çoxunun genişzolaqlı
internetə çıxışı təmin edilib. Hazırda rayon ərazisində 7939 təsərrüfat GPON
xidmətlərindən yararlanır və yeni qoşulmalar davam etdirilir.
Müasir texnologiyaların tətbiqi istiqamətində Rəqəmsal İnkişaf və Nəqliyyat
Nazirliyinin həyata keçirdiyi “Onlayn Azərbaycan” layihəsi çərçivəsində ölkənin digər
bölgələrində də yüksəksürətli internetin təmin edilməsi üçün müvafiq işlər planlı
şəkildə davam etdirilir.
Qeyd edək ki, ümumilikdə 2,8 milyon təsərrüfat genişzolaqlı internetlə əhatə olunub.
Bu, ölkədə mövcud ev təsərrüfatı və biznes subyektlərinin 95,5%-ni təşkil edir.