Rusiyada ermənilərdən təşkil olunan “Arbat” silahlı qruplaşması Ermənistanın Baş naziri Nikol Paşinyanı ciddi şəkildə narahat etməyə başlayıb. Belə ki, keçmiş “Vaqner” muzdlusu olan Ayk Qasparyan Rusiyada yaşayan ermənilərdən ibarət qruplaşma yaratdıb və Kremlin əmrlərini yerinə yetirir.

“Arbat” əsasən Ukraynadakı müharibədə iştirak üçün təsis edilib, lakin qruplaşmaya Ermənistan vətəndaşları ilə keçmiş Qarabağ separatçılarının cəlbi İrəvanı təşvişə salıb. Ölkə daxilindəki qüvvələrin çoxsaylı cəhdlərinə baxmayaraq Nikol Paşinyan hökumətini devirmək mümkün olmayıb. İndi isə “Arbat” vasitəsi ilə yenidən hakimiyyət çevrilişinə cəhd etməyə çalışılır.

Həmçinin Ermənistanın radikal müxalifət nümayəndələrinin bu günlərdə işğal altındakı Donbasa ziyarəti də diqqət çəkir.

Politoloq Məhəmməd Əsədullazadə deyib ki, Baş nazir Nikol Paşinyanın mühafizəsini ABŞ mərkəzi kəşfiyat idarəsi həyata keçirir:

“Bu gün ABŞ-ın Ermənistandakı səfirliyində 2000-dən çox şəxs xidmət edir. Onlar təkcə səfirlik əməkdaşları deyil, həm də hərbi təyinatlı şəxslərdir. Yəni səfirlikdən başqa N. Paşinyanın da təhlükəsizliyini təmin edirlər. Hətta artıq Ermənistanda kiber təhlükəsizlik mərkəzi də fəaliyyət göstərir.

O ki qaldı “Arbat” silahlı qruplaşmasına, ümumiyyətlə, Paşinyan üçün Rusiyada hər zaman təhlükə var. Keçmiş prezidentlər Robert Köçəryan və Serj Sərkisyan sentyabrda keçirlən aksiyalarla heç nəyə nail ola bilmədilər. Hətta hərbi çevriliş cəhdi də uğusuz oldu. Bu baxımdan indiki məqamda “Arbat” silahlı qruplaşması vasitəsi ilə Paşinyanın devrilməsi planlanır. Nəzərə alsaq ki, bu silahlı qruplaşmanın üzvləri ermənidir, onların tədricən Ermənistana keçib təşkilatlanması mümkündür”.

“Bu gün Ermənistanda Qarabağdan gətirilən çox sayda silah var. Aşkarlananlardan əlavə, bir çox təslim edilməyib. Bu silahların nə vaxtsa Paşinyana tuşlanacağı istisna deyil. Onları tutacaq şəxslər isə böyük ehtimalla elə “Arbat” silahlı qruplaşmasının üzvləridir”.

Turan Rzayev
Globalinfo.az