“2022-ci ildə nəqliyyat üzrə emissiya Azərbaycan üçün 61 milyon tondan çox olub”.

Globalinfo.az xəbər verir ki, bu sözləri COP29-un icraçı direktoru, energetika nazirinin müavini Elnur Soltanov deyib.

Onun sözlərinə görə, dünyanın iqlim böhranının əsas səbəbi iqlim həllərinin baha olmasıdır:

“Şirkətlər daha çox vəsait itirirlər. Ənənəvi həllər daha effektivdir. Dövlətlərin verdiyi vəsait iqlim böhranlarını həll etməyə bəs etmir. Dövlətlərin ayırdığı vəsait milyardlar olur, lakin iqlim həllərinə 7-8 trilyon dollar tələb olunur. Dövlətin strateji və optimal qərarları ilə özəl sektora təşviqlər ayrılmalıdır”.

E.Soltanov deyib ki, sənaye sektorunun karbonsuzlaşdırılması çox çətin olacaq:

“Dövlət üçün xərc az olan 2 sektor üzümüzü güldürə bilir. Elektroenergetika və nəqliyyat. Elektroenergetika artıq ənənəvi həllər ilə rəqabət aparacaq səviyyəyə gəlir. Yolüstü nəqliyyat və dəmiryol isə elektrikləşdirməyə ən uyğun olan sahədir. Biz xalis modellər üzərində işləyirik. Azərbaycan əvvəlki öhdəliyi ilə müqayisədə daha çox iddialı olacaq”.

Zaira Akifqızı
Globalinfo.az