Moldova və Gürcüstanda keçirilən seçkilər regionda yeni reallıqların, həmçinin siyasi konfiqurasiyanın formalaşması kimi dəyərləndirilir. Bir çox ekspertin fikrincə, Qərbə meylli postsovet ölkələrinin mövqeyini dəyişərək yenidən Rusiyaya istiqamətlənməsi ciddi siqnaldır.
Moldovada keçirilən prezident seçkilərində “Rusiyanın adamı” kimi təqdim olunan türk əsilli namizəd Aleksandr Stoyanoğlu kifayət qədər səs qazansa da, məğlub oldu. Avropayönümlü Maya Sandu yenidən prezident seçildi.
Gürcüstanda isə parlament seçkilərində avrointeqrasiya tərəfdarı olmayan Gürcü Arzusu Partiyası qalib gəldi. Son vaxtlar Ermənistanın da Rusiya ilə bağlı müsbət açıqlamaları diqqət çəkir.
Rusiyaya diqqətçəkən dönüş Ukraynada davam edən müharibə ilə bağlı ola bilərmi? Qərbdən uzaqlaşmanın əsas səbəbləri nələrdir?
Globalinfo.az-a danışan politoloq Zaur Məmmədov deyib ki, postsovet ölkələrində nüfuz qazanmaq uğrunda Rusiya və Qərb arasında mübarizə illərdir davam edir:
“Əslində Qərb ifadəsi tam doğru deyil. Çünki mübarizə konkret ABŞ və Rusiya arasında gedir. Moldova, Ermənistan, Ukrayna və Gürcüstanda bu proses özünü daha qabarıq şəkildə göstərir. Sözügedən ölkələrə diqqətlə baxdıqda cəmiyyətin Avropa İttifaqının (Aİ) üzvü olmaq istədiyini görmək mümkündür. Lakin bununla belə mövcud iqtidarlara səs verən qüvvələr ölkələrinin suverenliyindən narahat olduqları üçün bu addımı atırlar.
Moldovada keçirilən prezident seçkilərində “Rusiyanın adamı” kimi təqdim olunan türk əsilli namizəd Aleksandr Stoyanoğlu kifayət qədər səs qazansa da, məğlub oldu. Avropayönümlü Maya Sandu yenidən prezident seçildi.
Gürcüstanda isə parlament seçkilərində avrointeqrasiya tərəfdarı olmayan Gürcü Arzusu Partiyası qalib gəldi. Son vaxtlar Ermənistanın da Rusiya ilə bağlı müsbət açıqlamaları diqqət çəkir.
Rusiyaya diqqətçəkən dönüş Ukraynada davam edən müharibə ilə bağlı ola bilərmi? Qərbdən uzaqlaşmanın əsas səbəbləri nələrdir?
Globalinfo.az-a danışan politoloq Zaur Məmmədov deyib ki, postsovet ölkələrində nüfuz qazanmaq uğrunda Rusiya və Qərb arasında mübarizə illərdir davam edir:
“Əslində Qərb ifadəsi tam doğru deyil. Çünki mübarizə konkret ABŞ və Rusiya arasında gedir. Moldova, Ermənistan, Ukrayna və Gürcüstanda bu proses özünü daha qabarıq şəkildə göstərir. Sözügedən ölkələrə diqqətlə baxdıqda cəmiyyətin Avropa İttifaqının (Aİ) üzvü olmaq istədiyini görmək mümkündür. Lakin bununla belə mövcud iqtidarlara səs verən qüvvələr ölkələrinin suverenliyindən narahat olduqları üçün bu addımı atırlar.
Gürcüstan və Moldova seçkiləri arasında fərqlər var. Məsələn, Tbilisidə hakim Gürcü Arzusu Partiyasını seçənlər Aİ-yə inteqrasiyanın ölkənin suverenliyinə zərər vuracağını düşünən kəsimdir. Amma Moldovada konkret Aİ tərəfdarları və rus meyilli qüvvələrin şahidi olduq. Yəni bu qüvvələr seçkidə kimi istədiyini açıqca bildirdi”.
Politoloqun sözlərinə görə, Moldovada ölkənin gələcəyini Rumıniya ilə birləşməkdə, yəni Aİ-yə üzvlükdə görən şəxslər var:
“Bunun əks mövqeyində dayanan qüvvələr isə ruspərəstlərdir. Məsələn, qaqauz türkləri ruspərəst deyil, amma ittifaqa üzv olmaq da istəmirlər.
Ermənistanda da Moldovadakı kimi qütbləşmə var. ABŞ başda olmaqla Qərb Rusiyanı bu ölkədən çıxarmağa çalışır. Nəticədə nüfuz mübarizəsi və daxili çəkişmə ortaya çıxır”.
Turan Rzayev
Globalinfo.az
Politoloqun sözlərinə görə, Moldovada ölkənin gələcəyini Rumıniya ilə birləşməkdə, yəni Aİ-yə üzvlükdə görən şəxslər var:
“Bunun əks mövqeyində dayanan qüvvələr isə ruspərəstlərdir. Məsələn, qaqauz türkləri ruspərəst deyil, amma ittifaqa üzv olmaq da istəmirlər.
Ermənistanda da Moldovadakı kimi qütbləşmə var. ABŞ başda olmaqla Qərb Rusiyanı bu ölkədən çıxarmağa çalışır. Nəticədə nüfuz mübarizəsi və daxili çəkişmə ortaya çıxır”.
Turan Rzayev
Globalinfo.az
