Azərbaycanın telekommunikasiya və poçt xidmətləri üzrə tənzimləyici qurumu olan
İnformasiya Kommunikasiya Texnologiyaları Agentliyinin (İKTA) əməkdaşları Latviyanın
paytaxtı Riqa şəhərində keçirilən Spektr üzrə Ekspertlərin İşçi Qrupunun (SEWG)
görüşündə iştirak ediblər.
Sayca 18-ci olan bu tədbirdə müxtəlif ölkələrdən olan spektr tənzimləyiciləri,
mühəndislər və beynəlxalq ekspertlər bir araya gələrək telekommunikasiyanın
gələcəyini istiqamətləndirəcək önəmli qərar və strategiyaları müzakirə ediblər.
İKTA əməkdaşlarının da iştirak etdiyi müzakirələrdə Rəqəmsal Audio Yayımı (Digital
Audio Broadcasting – DAB), DAB+ və Rəqəmsal Multimedia Yayımı (Digital Multimedia
Broadcasting – DMB) texnologiyalarının müqayisəli texniki təhlili həyata keçirilib.
Toplantıda hər bir texnologiyanın imkanları müzakirə edilməklə yanaşı, spektrin
səmərəli istifadəsi, şəbəkə resurslarının optimallaşdırılması, eləcə də Avropa
Telekommunikasiya Standartları İnstitutu (ETSI) və Beynəlxalq Telekommunikasiya
İttifaqı (ITU) standartlarına uyğunluq məsələlərinə də diqqət yetirilib.
Eyni zamanda bu texnologiyaların fövqəladə hallar zamanı tətbiq imkanları və ictimai
təhlükəsizlik sahəsindəki əhəmiyyəti haqqında da məruzələr dinlənib.
Görüşdə, həmçinin yeni radio texnologiyaları ilə bağlı görülən işlər, bu istiqamətdə
standartların müəyyən edilməsi, 2027-ci il Ümumdünya Radiokommunikasiya
Konfransına (WRC-27) hazırlıq çərçivəsində hədəflər nəzərdən keçirilib.
Tədbir iştirakçıları fikir mübadiləsini dəyirmi masa müzakirələri ilə davam etdiriblər. Bu
görüşlərdə əsasən regiona aid aktual spektr məsələləri ətrafında danışıqlar aparılıb.
Belə fikir mübadiləsi spektr idarəçiliyində vahid yanaşmanı gücləndirərək,
telekommunikasiya sahəsində yaranan ehtiyaclara cavab verən qabaqlayıcı tənzimləyici
tədbirlərin əhəmiyyətini bir daha ortaya qoyur.
Qeyd edək ki, İnformasiya Kommunikasiya Texnologiyaları Agentliyi ölkədə informasiya-
kommunikasiya texnologiyaları və rabitə (telekommunikasiya və poçt) sahələrində
tənzimləmə və nəzarəti, eləcə də radiospektr idarəçiliyini həyata keçirir.
İnformasiya Kommunikasiya Texnologiyaları Agentliyinin (İKTA) əməkdaşları Latviyanın
paytaxtı Riqa şəhərində keçirilən Spektr üzrə Ekspertlərin İşçi Qrupunun (SEWG)
görüşündə iştirak ediblər.
Sayca 18-ci olan bu tədbirdə müxtəlif ölkələrdən olan spektr tənzimləyiciləri,
mühəndislər və beynəlxalq ekspertlər bir araya gələrək telekommunikasiyanın
gələcəyini istiqamətləndirəcək önəmli qərar və strategiyaları müzakirə ediblər.
İKTA əməkdaşlarının da iştirak etdiyi müzakirələrdə Rəqəmsal Audio Yayımı (Digital
Audio Broadcasting – DAB), DAB+ və Rəqəmsal Multimedia Yayımı (Digital Multimedia
Broadcasting – DMB) texnologiyalarının müqayisəli texniki təhlili həyata keçirilib.
Toplantıda hər bir texnologiyanın imkanları müzakirə edilməklə yanaşı, spektrin
səmərəli istifadəsi, şəbəkə resurslarının optimallaşdırılması, eləcə də Avropa
Telekommunikasiya Standartları İnstitutu (ETSI) və Beynəlxalq Telekommunikasiya
İttifaqı (ITU) standartlarına uyğunluq məsələlərinə də diqqət yetirilib.
Eyni zamanda bu texnologiyaların fövqəladə hallar zamanı tətbiq imkanları və ictimai
təhlükəsizlik sahəsindəki əhəmiyyəti haqqında da məruzələr dinlənib.
Görüşdə, həmçinin yeni radio texnologiyaları ilə bağlı görülən işlər, bu istiqamətdə
standartların müəyyən edilməsi, 2027-ci il Ümumdünya Radiokommunikasiya
Konfransına (WRC-27) hazırlıq çərçivəsində hədəflər nəzərdən keçirilib.
Tədbir iştirakçıları fikir mübadiləsini dəyirmi masa müzakirələri ilə davam etdiriblər. Bu
görüşlərdə əsasən regiona aid aktual spektr məsələləri ətrafında danışıqlar aparılıb.
Belə fikir mübadiləsi spektr idarəçiliyində vahid yanaşmanı gücləndirərək,
telekommunikasiya sahəsində yaranan ehtiyaclara cavab verən qabaqlayıcı tənzimləyici
tədbirlərin əhəmiyyətini bir daha ortaya qoyur.
Qeyd edək ki, İnformasiya Kommunikasiya Texnologiyaları Agentliyi ölkədə informasiya-
kommunikasiya texnologiyaları və rabitə (telekommunikasiya və poçt) sahələrində
tənzimləmə və nəzarəti, eləcə də radiospektr idarəçiliyini həyata keçirir.
