Düşmən gülləsi kapitan Abdullayevin döş qəfəsinə tuş gəlmişdi, onu xilas etmək istəyəndə qarın boşluğundan daha bir güllə yarası aldı. Pulemyotla düşmən mövqelərini atəşə tutdum. Bir neçə atəşdən sonra növbəti dəfə yaralandım. Yenə sol ayağımdan xəsarət aldım. Döyüşçü yoldaşlarımız köməyə gəlib postu düşməndən təmizlədilər. Feldşer yaralılara ilkin tibbi yardım göstərdikdən sonra təxliyə qrupu hadisə yerinə gəlib yaralıları çıxardı. Səhər saatlarında kapitanın şəhid olduğunu eşitdik. Təəssüf ki, müharibə heç zaman itkisiz olmur. Onunla təsəlli tapdıq ki, əbədiyyətə qovuşan silahdaşlarımızın qanı yerdə qalmadı”.
Qazinin dediyinə görə, ona əvvəlcə Gəncə hospitalında ilkin tibbi yardım göstərilib, sonra isə Mərkəzi Klinikaya göndərilib:
“Sol ayağımın üç yerindən güllə yarası almışdım. Ayağım amputasiya oluna bilərdi, lakin həkimlərin böyük səyi nəticəsində bu, baş vermədi. Sonra “YAŞAT” Fondunun dəstəyi ilə Türkiyəyə müalicəyə göndərildim. İndiyədək müalicələr davam edir.Tibbi-Sosial Ekspert Komissiyası tərəfindən Əlil və Sağlamlıq imkanlarının məhdudluğu müəyyən edilərək 2-ci dərəcə əlillik təyinatlı aparailmisdir.Hal-hazirsa 2-ci qrup müharibə əliliyəm. Vətən müharibəsində qazanılan bu qələbəyə görə Ali Baş Komandan, Prezident İlham Əliyevə, sağlamlığıma göstərilən bu qayğıya görə “YAŞAT” Fonduna, orduya göstərdiyi dəstəyə görə xalqımıza çox böyük minnətdarlıq bildirirəm. Şəhid ailələri və qazilər dövlətin onlara ardıcıl qayğı və diqqətini hər zaman hiss edirlər”.

Gizir Rəşad Novruzov “Cəsur döyüşçü”, “Kəlbəcərin azad olunmasına görə”, “Vətən uğrunda”, “Şuşanın azad olunmasına görə”, Cəbrayılın azad olunmasına görə” və Xocavəndin azad olunmasına görə”, “Şücaətə görə” və "Müharibə iştirakçısı" medalları ilə təltif olunub.

Bu gün qəhrəman qazimiz Rəşad Novruzovun doğum günüdür. Bu münasibətlə qazimizi təbrik edir, ona can sağlığı, işlərində müvəffəqiyyətlər arzulayırıq.
Adın bayrağımız kimi daim yüksəklərdə olsun.