Almaniya kansleri Olaf Şoltsun Ukraynaya səfəri dünya mətbuatında böyük marağa səbəb olub.

Almaniyanın “Bıld” nəşri genişmiqyaslı müharibə başlayandan bəri Şoltsun ikinci Ukrayna səfəri ilə bağlı yayımladığı yazıda bu səfərin gizli məqamlarından bəhs edib.

Nəşr Almaniyadakı federal seçkilərə 83 gün qalmış baş tutan bu səfəri “Şolts mesaj göndərir ki, mən kanslerəm və dünyanın hər yerində danışıqlar aparıram”,-kimi şərh edib.

Nəşrin yazdığına görə, kanslerin Kiyevə səfərinin məqsədi Ukrayna Prezidenti Volodimir Zelenskinin sülh danışıqları olarsa, hansı güzəştlərə getməyə hazır olduğunu öyrənməkdir.

“Bu onun üçün bir missiyadır. ABŞ prezidenti seçilən Donald Tramp elan olunduğu kimi müharibəni dayandırmaq üçün danışıqlara başlayarsa, Şolts Ukraynanın mövqeyini müdafiə etməyə çalışacaq. Tramp Şolts ilə birgə atacağı addımları müzakirə etməyə hazır olmalıdır. Mənbələr deyirlər ki, gələcək prezidentlə hazırkı kansler arasında ilk telefon zəngi nisbətən yaxşı keçib. Lakin hamıya məlumdur ki, Tramp həm də mövqeyini anidən dəyişən bir liderdir”,-deyə “Bıld” yazlb.

“AzPolitika.info”