Gözəl Bakı şəhəri yenidən ciddi siyasi parlament fəaliyyətinin mərkəzinə çevrilib. Azərbaycan parlamentarizminin - 1918-ci ildə yaradılmış ilk demokratik Azərbaycan Xalq Cümhuriyyətinin yaranmasına həsr olunmuş konfrans keçirilir. Bu, müasir parlamentarilər nəsli üçün təkcə tarix deyil, həm də təcrübə öyrənmək və irəliləyişə nail olmaq üçün yaxşı kömək ola biləcək dərslər çıxarmaq imkanıdır.
Bu sözləri jurnalistlərə müsahibəsində Bakıda keçirilən “Parlamentarizm: ənənələr və perspektivlər” mövzusuna həsr edilmiş beynəlxalq konfransda iştirak edən Rusiya Federasiyası Federal Məclisinin Federasiya Şurasının Elm, təhsil və mədəniyyət komitəsi sədrinin birinci müavini İlyas Umaxanov deyib.
Rusiyalı deputat qeyd edib: “Bu gün mən misal çəkdim ki, hələ o vaxt Azərbaycanın ilk parlamenti ümumi seçki hüququ haqqında qərar qəbul etmişdi. Bu, o deməkdir ki, seçmək və seçilmək hüququ qadınlara da şamil edilib. Amerika Birləşmiş Ştatlarında bu, iki ildən sonra, İsveçrədə isə yalnız 1971-ci ildə baş verib”.
Onun sözlərinə görə, Azərbaycanda milli azlıqların maraqlarının nəzərə alınması ilə bağlı diqqətəlayiq təcrübə var. “İlk parlamentdə Azərbaycanda yaşayan bir çox millətlərin nümayəndələri var idi. Bu gün bu, həm də Dağıstan təmsilçisi kimi mənim üçün çox aktual bir məsələdir. Bu, müəyyən ərazilərdə yaşayan konkret ölkənin vətəndaşlarının milli maraqlarının tarazlığını nəzərə almaq üçün uzun illər qarşıda duran vəzifədir. Bu amil dini və milli mənsubiyyət, həmçinin yaş baxımından fərqlənən, çoxsaylı əhalisi olan böyük Rusiya üçün də çox vacibdir”, - deyə İlyas Umaxanov bildirib.
Rusiyalı parlamentari milli tarixi bilməyi, ilk parlamentin, demokratik respublikanın yaradılmasının başlanğıcında dayananların xatirəsinə ehtiramla yanaşmağı ölkənin inkişafı üçün ən mühüm amil adlandırıb: “Sözsüz ki, bu insanlar onların şəxsiyyətləri və Azərbaycan xalqı qarşısında xidmətlərinin ehtiramla yad edilməsinə layiqdirlər”.
İ.Umaxanov qeyd edib ki, bugünkü konfrans həmin vəzifəni - görkəmli şəxsiyyətlərin xatirəsinə ehtiramı və onların gördükləri bütün işlərin Azərbaycan xalqına və parlamentə fayda verəcəyini başa düşməyi çox dəqiq şəkildə əks etdirir. Tədbir parlamentarizmi inkişaf etdirəcək və yeni vəzifələri həyata keçirəcək ki, Azərbaycan və onun xalqı daha çox tərəqqiyə nail olsun, burada həmişə firavanlıq, əmin-amanlıq hökm sürsün”.
Bu sözləri jurnalistlərə müsahibəsində Bakıda keçirilən “Parlamentarizm: ənənələr və perspektivlər” mövzusuna həsr edilmiş beynəlxalq konfransda iştirak edən Rusiya Federasiyası Federal Məclisinin Federasiya Şurasının Elm, təhsil və mədəniyyət komitəsi sədrinin birinci müavini İlyas Umaxanov deyib.
Rusiyalı deputat qeyd edib: “Bu gün mən misal çəkdim ki, hələ o vaxt Azərbaycanın ilk parlamenti ümumi seçki hüququ haqqında qərar qəbul etmişdi. Bu, o deməkdir ki, seçmək və seçilmək hüququ qadınlara da şamil edilib. Amerika Birləşmiş Ştatlarında bu, iki ildən sonra, İsveçrədə isə yalnız 1971-ci ildə baş verib”.
Onun sözlərinə görə, Azərbaycanda milli azlıqların maraqlarının nəzərə alınması ilə bağlı diqqətəlayiq təcrübə var. “İlk parlamentdə Azərbaycanda yaşayan bir çox millətlərin nümayəndələri var idi. Bu gün bu, həm də Dağıstan təmsilçisi kimi mənim üçün çox aktual bir məsələdir. Bu, müəyyən ərazilərdə yaşayan konkret ölkənin vətəndaşlarının milli maraqlarının tarazlığını nəzərə almaq üçün uzun illər qarşıda duran vəzifədir. Bu amil dini və milli mənsubiyyət, həmçinin yaş baxımından fərqlənən, çoxsaylı əhalisi olan böyük Rusiya üçün də çox vacibdir”, - deyə İlyas Umaxanov bildirib.
Rusiyalı parlamentari milli tarixi bilməyi, ilk parlamentin, demokratik respublikanın yaradılmasının başlanğıcında dayananların xatirəsinə ehtiramla yanaşmağı ölkənin inkişafı üçün ən mühüm amil adlandırıb: “Sözsüz ki, bu insanlar onların şəxsiyyətləri və Azərbaycan xalqı qarşısında xidmətlərinin ehtiramla yad edilməsinə layiqdirlər”.
İ.Umaxanov qeyd edib ki, bugünkü konfrans həmin vəzifəni - görkəmli şəxsiyyətlərin xatirəsinə ehtiramı və onların gördükləri bütün işlərin Azərbaycan xalqına və parlamentə fayda verəcəyini başa düşməyi çox dəqiq şəkildə əks etdirir. Tədbir parlamentarizmi inkişaf etdirəcək və yeni vəzifələri həyata keçirəcək ki, Azərbaycan və onun xalqı daha çox tərəqqiyə nail olsun, burada həmişə firavanlıq, əmin-amanlıq hökm sürsün”.
