Dekabrın 21-də Beynəlxalq Muğam Mərkəzində tanınmış isveç fotoqrafı və rejissoru Mixael Silkebergin "Nuhun izi ilə" sənədli filmin təqdimatı keçirildi. Film yurdumuzun qədim, füsünkar diyarı Naxçıvana həsr edilmişdi.
Film boyu Əsahabı-Kəfin, Gəmiqayanın, Ordubadın, Möminə xatun abidəsinin gizlinlərinin açılmasına, Nuh peyqəmbərin Naxçıvandakı izlərinin araşdırılmasına tarixçi alimlərimizin mülahizə və fikirləri səsləndirildi. Eyni zamanda, filmdə Naxçıvanın zəngin mədəniyyətindən, musiqi irsindən ətraflı bəhs edildi. Bu dəyərli sənədli filmin ərsəyə gəlməsində İsveçdə yaşayan həmyerlimiz, telejurnalist Rəhim Sadıqbəylinin əməyini xüsusi qeyd etmək istərdim.
Tədbirdə millət vəkilləri, Naxçıvan nümayəndəliyinin təmsilçiləri, incəsənət xadimləri iştirak etdilər.

Rüstəm Rüstəmov
AYMEDİACOMPANY.AZ