Ötən il Azərbaycandan 37,1 milyon ABŞ dolları dəyərində 25,6 min ton tərəvəz və meyvələrin emal məhsulları ixrac edilib.

Bu barədə Dövlət Gömrük Komitəsindən məlumat verilib.

Məlumata görə, bu, 2023-cü ildəki göstərici ilə müqayisədə dəyər baxımından 3,3 milyon ABŞ dolları və ya 9,7% çox, həcm ifadəsində isə 410 ton və ya 1,6% azdır.

Hesabat dövründə tərəvəz və meyvələrin emal məhsulları ixrac ölkənin ümumi ixracının 0,14%-ni, qeyri-neft sektoru üzrə ixracının isə 1,11%-ni təşkil edib.

Qeyd edək ki, 2024-cü il ərzində Azərbaycan xarici ölkələrlə (180 ölkə) 47,6 milyard ABŞ dolları dəyərində ticarət əməliyyatı aparıb. Bu, 2023-cü ilə nisbətən 3,6 milyard ABŞ dolları və ya 7% azdır. Xarici ticarət dövriyyəsinin 26,5 milyard ABŞ dolları ixracın, 2,6 milyard ABŞ dolları isə idxalın payına düşüb.

Son 1 ildə ixrac 7,3 milyard ABŞ dolları və ya 21,7% azalıb, idxal isə 3,8 milyard ABŞ dolları və ya 21,8% artıb. Nəticə etibarilə xarici ticarətdə 5,5 milyard ABŞ dolları həcmində müsbət saldo yaranıb. Bu da illik müqayisədə 3 dəfə azdır.