Xocalı faciəsi... Xalqın qan yaddaşından silinməyəcək bu hadisə 25-26 fevral 1992-ci il tarixində Ermənistan silahlı qüvvələri tərəfindən keçmiş SSRİ-nin 366-cı motoatıcı alayının köməyi ilə Azərbaycanın Xocalı şəhərinə edilən hücum nəticəsində baş vermiş soyqırımdır. Rəsmi statistikaya görə:
613 nəfər öldürülüb, onlardan 106-sı qadın, 63-ü uşaq, 70-i yaşlı insan idi. 487 nəfər yaralanıb, onlardan 76-sı uşaqdır. 1,275 nəfər əsir götürülüb, 150 nəfərin taleyi hələ də naməlumdur. Bu faciə Azərbaycan tarixində ən dəhşətli qətliamlardan biri sayılır və hər il 26 fevralda anım mərasimləri keçirilir. Xocalıda baş verən qətliamlar, yaşanan dəhşətlər filmlərdə baş verənlər qəbildən deyildi. Fyodor Dostoyevski deyirdi ki: “Hər şeyə dözə bilərəm, amma uşaqların əzabına yox.”
Xocalıda körpələrin başına gətirilənləri tarix unutmamalıdır. Xocalı elə yaralı yerimizdir ki, bu mövzudan söhbət açanda statistikadan, hərkəs tərəfindən əzbərlənmiş bir neçə şablon cümlələrdən istifadə edilməməlidir. Bu soyqırım millətimizin mənəvi dünyasında o qədər iz buraxıb ki, xalq olaraq 26 fevralı söz xatirinə qeyd etməməliyik. Biz millət olaraq o qədər humanist, o qədər mərhəmətliyik ki, icazə verməməliyik bizdən sonra gələn nəsil bu hadisəni ildən-ilə daha da quru və biraz da yumşaldılmış formada adi şəkildə qeyd edsin. Biz Xocalını unutsaq, Xocalıda dərisi diri-diri soyulmuş qızcığazın, gülləbaran edilmiş ailələrin, ahıl qocaların, təcavüzə uğramış qızlarımızın ruhu bizi bağışlamaz.
Xocalını unutmamaq üçün gərək hər kəs Xocalıda qətlə yetirilən balaları, anaları, bacıları, ataları, əmiləri, dayıları, xalaları, bibiləri, qohumları öz doğması yerinə qoysun ki, hadisənin şiddətini daha da damarlarında hiss eləsin, mahiyyətini daha da dərindən anlasın. Son illərdə mənəvi rahatlığımızın səbəbi, ürəyimizə su sərpən 44 günlük vətən müharibəsində və lokal antiterror əməliyyatlarında şanlı ordumuzun tarixi qələbəsi oldu. Allah şəhidlərimizə rəhmət eləsin, qazilərimizə şəfa versin. Bizə bu qələbəni yaşadan Xocalıya ədaləti gətirən şəhidi, qazisi, veteranı olmaqla bütün igid Azərbaycan oğullarının qarşısında baş əyirik.
Fərid Əmiraslanov
"AYMEDİACOMPANY.AZ" mədəniyyəti işləri üzrə direktor müavini
613 nəfər öldürülüb, onlardan 106-sı qadın, 63-ü uşaq, 70-i yaşlı insan idi. 487 nəfər yaralanıb, onlardan 76-sı uşaqdır. 1,275 nəfər əsir götürülüb, 150 nəfərin taleyi hələ də naməlumdur. Bu faciə Azərbaycan tarixində ən dəhşətli qətliamlardan biri sayılır və hər il 26 fevralda anım mərasimləri keçirilir. Xocalıda baş verən qətliamlar, yaşanan dəhşətlər filmlərdə baş verənlər qəbildən deyildi. Fyodor Dostoyevski deyirdi ki: “Hər şeyə dözə bilərəm, amma uşaqların əzabına yox.”
Xocalıda körpələrin başına gətirilənləri tarix unutmamalıdır. Xocalı elə yaralı yerimizdir ki, bu mövzudan söhbət açanda statistikadan, hərkəs tərəfindən əzbərlənmiş bir neçə şablon cümlələrdən istifadə edilməməlidir. Bu soyqırım millətimizin mənəvi dünyasında o qədər iz buraxıb ki, xalq olaraq 26 fevralı söz xatirinə qeyd etməməliyik. Biz millət olaraq o qədər humanist, o qədər mərhəmətliyik ki, icazə verməməliyik bizdən sonra gələn nəsil bu hadisəni ildən-ilə daha da quru və biraz da yumşaldılmış formada adi şəkildə qeyd edsin. Biz Xocalını unutsaq, Xocalıda dərisi diri-diri soyulmuş qızcığazın, gülləbaran edilmiş ailələrin, ahıl qocaların, təcavüzə uğramış qızlarımızın ruhu bizi bağışlamaz.
Xocalını unutmamaq üçün gərək hər kəs Xocalıda qətlə yetirilən balaları, anaları, bacıları, ataları, əmiləri, dayıları, xalaları, bibiləri, qohumları öz doğması yerinə qoysun ki, hadisənin şiddətini daha da damarlarında hiss eləsin, mahiyyətini daha da dərindən anlasın. Son illərdə mənəvi rahatlığımızın səbəbi, ürəyimizə su sərpən 44 günlük vətən müharibəsində və lokal antiterror əməliyyatlarında şanlı ordumuzun tarixi qələbəsi oldu. Allah şəhidlərimizə rəhmət eləsin, qazilərimizə şəfa versin. Bizə bu qələbəni yaşadan Xocalıya ədaləti gətirən şəhidi, qazisi, veteranı olmaqla bütün igid Azərbaycan oğullarının qarşısında baş əyirik.
Fərid Əmiraslanov
"AYMEDİACOMPANY.AZ" mədəniyyəti işləri üzrə direktor müavini
