Şəhid Nəbiyev Qurban Cavad oğlu təbiətin ən gözəl çağında -15 mart 1975-ci ildə Naxçıvan Muxtar Respublikası Ordubad rayonunun Dəstə kəndində, Cavad kişinin ailəsində dünyaya göz açmış, beş bacı, iki qardaşdan biri idi.

Azərbaycan Dəmir yollarında işləyən atası - 7 övlad sahibi Cavad kişi, 1990 cı illərdə ermənilərin yaratdığı qeyri qanuni silahlı dəstələr tərəfindən bir neçə iş yoldaşları ilə birlikdə əsir götürülmüşdü. O vaxtkı yerli hakimiyyətin nümayəndələrinin danışıqları ilə geri alınması mümkün olmuşdur.

1988-ci ildən ermənilərin suveren Azərbaycana qarşı separatçılıq əməlləri Qarabağ və Naxçıvan ərazilərini ermənistana birləşdirmək arzuları Azərbaycan-Ermənistan sərhəd boyu bütün ərazilərində qanlı müharibəyə səbəb olmuşdu. Faktiki olaraq, Naxçıvan blokada şəraitinə düşmüşdü (bu günə qədər də 37 ildir ki, Naxçıvan blokadadır).

Orta təhsilini Gümüş medalla bitirən Qurban, Bakı Dövlət Univerisitetinin kimya ixtisası fakultəsinə daxil olmaq arzusunda idi. Ermənilərin Ermənistanda yaşayan azərbaycanlılara qarşı amansız cinayətləri və atasının girov götürülməsi Qurbanda erməni daşnaklarına qarşı nifrət oyatmışdı. "Dağlıq Qarabağ münaqişəsi" adı altında ermənilər havadarlarının köməyi ilə Azərbaycanın bütün sərhəd boyu ərazilərində apardığı qanlı müharibə Qurbanı oxumaq arzusundan döndərib hərbi xidmətə gətirmişdi.

Yeniyetmə Azərbaycan gənci, hərbi xidmətə çağrılarkən, Hərbi komissarlıqda tankist olmaq arzusunda olduğunu bildirir. Digər əsgər yoldaşları kimi, Qurban da təlim alıb, tez bir zamanda Cəbhəyə getmək istəyirdi.

1993 cü ilin noyabr ayında yeni təlimdən çıxmış Tank Taboru Beyləqan, Fizuli istiqamətinə döyüşə göndərilir. Qurbanın da tərkibində olduğu Tank Bölüyünü N saylı hərbi hissənin tərkibində, Fizuli rayonu, kənd Horadiz, Lələ təpə yüksəkliyi uğrunda döyüş tapşırığı verilir. Tankçılar "Transvarmator" şərti yüksəkliyin azad etmiş, bir neçə erməni əsgərin əsir götürülmüşdü. Kənd Horadiz, Lələ təpə yüksəkliyi uğrunda qızğın döyüşün ardı-arası səngimirdi. Fizuli rayonu istiqatində Ermənilərdən götürülmüş bir neçə döyüş texnikası əsgərlərimizdə yüksək əhval ruhiyə yaratmışdı.

16 aprel 1994 cü il tarixində,tank bölüyü kənd Horadiz uğrunda gedən döyüşdə, qəhraman döyüşçü, sərrast atıcı Nəbiyev Qurban Cavad oğlunu şəhid verdi. Digər şəhidlərimiz kimi, Qurban da əbədiyyətin Sönməyən Sonsuz Günəşinə çevrildi və bu gün qürurla Şəhidlərimizi yad edərkən deyirik; - ŞƏHİDLƏR ƏBƏDİYYƏT ÜFÜQÜNDƏ DOĞAN GÜNƏŞDİR.
Bu gün sevindirici haldır ki, uğrunda canlarını qurban verdikləri Vətən torpağı işğaldan azaddır. Sevindirici haldır ki, Şəhid əmisi Qurbanın adını daşıyan Qurban, Bakı Dövlət Univerisitetinin Kimya ixtisası fakultəsinə daxil olmaqla, əmisinin arzularını gerçəkləşdirib.

Qazi İmadəddn Səlim yazır: "Yaddaşımın saxlancında saxlaya bilmədiyim, onlarca Şəhid Tankçılarımızın əziz və unudulmaz xatirəsinə."