Azərbaycan Ermənistan arasında Sülhün əldə edilməsi üçün daha bir əsas irəliləyiş şərti sərhəddən Avropa müşahidə missiyasının çıxarılması barədə razılığa gəlmə üstəlik hər iki tərəfin yekun sülh üçün təklif və şərtlərinin bəyanından sonra müqavilənin nə vaxt imzalanacağı məsələsi gündəmə gəlir.

Hələ ötən ilin oktyabrında sülh sazişinin imzalana biləcəyi barədə məlumatlar mətbuatda yayımlanırdı. Paşinyan da ötən il 2025 ci ilin yanvarı üçün sülh sazişinin bağlanacağı barədə çıxış da etmişdi.

Lakin, artıq 2025 ci ilin mart ayıdır və müqavilə hələ də imzalana bilmir səbəb isə Ermənistanın sərhəddə təxribat törətməsi, Fransa, ABŞ və digər ölkələrdən sürətli şəkildə silah alması və çox vaxt bunun hərbi yardım adı altında pulsuz verilməsi ilə məkrli niyyətdə olduğunun sübut olması, Ermənistanda daxildə olan qüvvələrin Azərbaycandan qisas çağırışları etməsi və planlar qurması, Konstitusiyada dəyişiklik edilməklə İrəvanın digər ölkələrə ərazi iddialarından əl çəkməsi məsələsini yubandırmaq və digər səbəblər üzündən hələ də iki ölkə arasında Sülh əldə edilmir. Bəs regionda sülhün əsl gecikmə səbəbi nədir?

Ermənistanda sülh sazişinin imzalanmasını zəiflik kimi qəbul edən qüvvələr əslində ABŞ, Qərb, Rusiya kimi ölkələrin təsiri altında olan, onların maraqlarına xidmət edən qruplardır.

ABŞ bilir ki, Azərbaycan və Ermənistan arasında Sülh müqaviləsi imzalanarsa Ermənistan bir dövlət kimi Türk Ölkələrinin ortasında bir kiçik ərazi vahidi kimi mövcudluğunu sürəcək və hər hansı ABŞ, NATO hərbi yardım adlı taktiki planına ehtiyac qalmayacaq. Onun hər hansı ərazisində baza yaratmağa imkan olmayacaq lap dərinə getsək Rusiyanın Şərqdə mövqesini Ukrayna vasitəsi ilə zəiflətdikləri kimi Ermənistan vasitəsi ilə də Cənubi Qafqazda siyasi mövqesini zəiflətmək, ona qarşı olan hərbi mərkəz yaratmaq istəyirlər.

Əbəs deyil ki, istər Bayden, istər Tramp və ətrafı Ermənistanı Rusiyaya qarşı gərgin münasibətdə daim dəstəkləmiş, birgə strateji əməkdaşlıq və təlimlərin keçirilməsində maraqlı olmuşlar.