Cənubi Koreyada meşə yanğınlarında ölənlərin sayı 26 nəfərə çatıb.
Bu barədə “Yonhap” agentliyi hakimiyyət orqanlarına istinadən məlumat yayıb.
Həmçinin 30 nəfərin xəsarət aldığı, 37 minə yaxın insanın evlərini tərk etməyə məcbur olduğu bildirilib.
Məlumata görə, 325 obyekt, o cümlədən 117 yaşayış evi yanğından zərər çəkib.
Ölkənin cənub-şərqində meşə yanğınları martın 21-də başlayıb. Hökumət üç bölgədə - Ulsan şəhəri, Kyonsan-Pukto və Kyonsan-Namdo əyalətlərində fəlakət rejimi elan edib.
