Norveç hökuməti Ukraynaya hava hücumundan müdafiə (HHM) sistemləri olan “NASAMS” üçün xeyli miqdarda raket tədarük etdiyini açıqlayıb.

Bu barədə Norveçin müdafiə naziri Ture Sandvik ukraynalı həmkarı Mixail Fedorovla onlayn görüş zamanı danışıb.

Bildirilir ki, bu addım Ukrayna şəhərlərinin Rusiya ordusunun hava zərbələrindən qorunmasını davam etdirmək məqsədi daşıyır.

Norveç Müdafiə Nazirliyinin mətbuat xidmətinin bildirdiyinə görə, hava hücumundan müdafiə Ukraynaya göstərilən Norveç hərbi yardımının əsas prioritetlərindən biridir.

ABŞ, Kanada, Litva və Norveç də daxil olmaqla bir sıra ölkələr tərəfindən Ukraynaya verilən “NASAMS” HHM sistemləri Rusiya raketlərinə qarşı yüksək effektivlik nümayiş etdirib.