Bu gün "Baku Marriott Boulevard Hotel"də beynəlxalq sağlam həyat tərzi və bioloji aktiv məhsullar istehsalçısı olan "Siberian Wellness⁠" şirkətinin Azərbaycandakı fəaliyyətinin 15 illiyinə həsr olunmuş möhtəşəm tədbir keçirildi.
Tədbir yüksək təşkilatçılığı, beynəlxalq qonaqları və yaddaqalan çıxışları ilə iştirakçıların böyük marağına səbəb oldu.
Mərasimdə Azərbaycanın müxtəlif bölgələrindən şirkət nümayəndələri, biznes tərəfdaşları və liderlər iştirak edirdi. Xüsusi diqqət çəkən məqamlardan biri isə Özbəkistandan gələn liderlərin tədbirə qatılması oldu. Qardaş ölkədən gələn qonaqlar "Siberian Wellness"-in beynəlxalq arenada qazandığı uğurlardan, şirkətin insan sağlamlığına verdiyi töhfələrdən və gələcək planlarından danışaraq tədbirə xüsusi rəng qatdılar.
Tədbiri tanınmış aparıcılar Nigar Babayeva və Elməddin Məmmədov peşəkar şəkildə idarə edirdi. Onların səmimi və enerjili təqdimatı gecəyə xüsusi ab-hava bəxş etdi.
Tədbirin ən yaddaqalan məqamlarından biri isə şirkətin prezidenti Tatyana Qoroxovskaya tərəfindən canlı bağlantı vasitəsilə ünvanlanan təbrik mesajı oldu. Bakıdakı şirkət rəhbəri Sədi Əzizov vasitəsilə yayımlanan çıxışda Tatyana Qoroxovskaya Azərbaycan komandasını 15 illik uğurlu fəaliyyət münasibətilə təbrik edərək onların əməyini yüksək qiymətləndirdi. O, Azərbaycanın şirkət üçün önəmli ölkələrdən biri olduğunu vurğulayaraq, gələcək illərdə daha böyük nailiyyətlərin əldə olunacağına inandığını bildirdi.
Tədbirdə həmçinin, yaxın zamanda satışa çıxarılacaq yeni məhsullar barədə geniş təqdimatlar keçirildi. Məhsulların insan sağlamlığı, düzgün qidalanma və həyat keyfiyyətinin artırılması istiqamətində mühüm yeniliklər gətirəcəyi diqqətə çatdırıldı.
Gecədə şirkətin tanınmış liderləri də çıxış edərək öz uğur hekayələrini və iş təcrübələrini iştirakçılarla bölüşdülər. Qlobal lider Şahnaz xanım, business profi Anar Məmmədov və digər liderlər öz nitqlərində əzmkarlığın, düzgün komanda işinin və insanlarla sağlam münasibət qurmağın uğurun əsas açarı olduğunu vurğuladılar. Onların çıxışları tədbir iştirakçıları tərəfindən böyük maraq və alqışla qarşılandı.

Qeyd edək ki, "Siberian Wellness⁠" 1996-cı ildə yaradılıb və bu gün dünyanın onlarla ölkəsində fəaliyyət göstərən beynəlxalq şirkətlərdən biridir. Şirkət əsasən, sağlam həyat tərzi, immunitetin gücləndirilməsi, düzgün qidalanma və insan orqanizminin təbii yollarla dəstəklənməsi istiqamətində məhsullar istehsal edir. Məhsulların əsasını Sibirin nadir bitkiləri, təbii komponentləri və müasir elmi texnologiyalar təşkil edir.
Azərbaycanda fəaliyyətə başladığı 15 il ərzində şirkət geniş tərəfdaş şəbəkəsi quraraq minlərlə insanın sağlam həyat tərzinə marağını artırmağa nail olub.
Tədbirdə çıxış edən liderlər bildiriblər ki, "Siberian Wellness" yalnız məhsul təqdim edən şirkət deyil, eyni zamanda, insanlara sağlamlıq, motivasiya və şəxsi inkişaf fəlsəfəsi aşılayan böyük bir ailədir.
Gecə ərzində uğur qazanan liderlər mükafatlandırılıb, şirkətin inkişaf yolunu əks etdirən videoçarxlar nümayiş olunub və musiqili proqram iştirakçılara xoş anlar yaşadıb. Tədbir həm də fərqli ölkələrdən gələn nümayəndələrin təcrübə mübadiləsi aparması və yeni əməkdaşlıqlar qurması baxımından əlamətdar oldu.

15 illik yubiley tədbiri bir daha göstərdi ki, "Siberian Wellness⁠" Azərbaycanda sağlam həyat tərzi sahəsində öz mövqeyini möhkəmləndirən və insanların etimadını qazanan beynəlxalq brendlərdən biridir.

Nigar Rzayeva
"AYMEDİACOMPANY.AZ"