Rusiyada parlamentin (Rusiyada Dövlət Duması) aşağı palatası 39 federativ bölgənin parlamenti və bəzi bölgələrdə icra və yerli seçkilər üçün səsvermə prosesinə başlayıb.

Namizədlər arasında Rusiyanın xarici işlər naziri Sergey Lavrov və Rusiya müdafiə naziri Sergey Şoyqu da var.

Yeni növ koronavirus (Kovid-19) tədbirləri səbəbindən bu gündən etibarən 3 gün davam edəcək səsvermə prosesi əvvəlcə ölkənin şərqində yerləşən Kamçatka və Çukotka Muxtar vilayətlərində başlayıb. Paytaxt Moskvada insanlar səhər saatlarından etibarən seçki məntəqəsinə gediblər.

Ölkə daxilində və xaricdə 110 milyon seçici səs verə biləcək. Seçkilərdə 14 partiya Dövlət Dumasında 450 yer uğrunda mübarizə aparacaq.

Qeyd edək ki, parlamentin üzvləri hər 5 ildən bir seçilir.

Onu da deyək ki, bu dəfə Putinin sağ əli olan S.Şoyqu və S.Lavrov da parlamentə namizədlər siyahısındadır. Putin onların vəzifədən getmələri barədə danışarkən bildirmişdi ki, onların gedib və ya qalmaları Rusiyaya yüksəf səviyyədə xidmətlərinə görə öz öhdəliklərinə verilib.

Bildirilib ki, Şoyqu və Lavrov hakimiyyətdə əsas çoxluğa sahib olan Rusiya Prezidenti Vladimir Putinin partiyası - "Vahid Rusiya"dan öz namizədliklərini irəli sürüblər.

Onlar parlamentə seçiləndən sonra nazirlik vəzifəsindən istefa verib-verməyəcəyi, ya da Dumaya qatılacaqları barədə qərarı özləri verəcək.