Bu gün Zəfər Günüdür. Azərbaycan xalqının Müzəffər Ali Baş Komandan İlham Əliyevin rəhbərliyi altında ərazi bütövlüyünü bərpa etdiyi, düşmən üzərində misilsiz qələbə çaldığı, necə deyərlər, yenidən həmrəy, birlik olduğu tarixi qələbəmizin ildönümüdür.
Bu tarixi gün Azərbaycan Respublikasının bütün ərazisində, sərhədlərindən kənarda da çox böyük ruh yüksəkliyi, coşqu ilə qeyd edilir
Belə tədbirlərdən biri də 08 noyabr 2021-ci il tarixdə rayonun M. Əliyev adına Hal kənd tam orta məktəbində keçirildi. Tədbirdə Qubadlı Rayon İcra Hakimiyyətinin başçısı Malik İsaqov, Qubadlı Rayon Təhsil Şöbəsinin müdiri Fuad Bədəlov, ümumi təhsil müəssisələrinin rəhbərləri və şagirdlər iştirak etdilər.
Tədbir çərçivəsində şagirdlərin əl işlərindən, rəsm əsərlərindən ibarət sərgi qurulmuş, parad keçirilmiş, fləşmob təşkil edilmiş, şagirdlərin ifasında şeirlər səsləndirilmiş, mahnılar ifa olunmuş, səhnəciklər nümayiş edilmiş, rəqs nümunələri göstərilmişdir. Şagirdlər tərəfindən "Əziz Qubadlı, sən azadsan", "Əziz Qubadlı, biz qayıdacağıq", "Qarabağ bizimdir, Qarabağ Azərbaycandır" kimi şüarlar səsləndirilmişdir.
Nə gözəl hissdir Zəfər. Bizə bu möhtəşəm duyğuları yaşadan Müzəffər Ali Baş Komandan İlham Əliyevə, Rəşadətli Azərbaycan Ordusuna, birlik, bərabərlik nümunəsi göstərən Azərbaycan xalqına yüzlərcə, minlərcə təşəkkürlər.
#MüzəffərAliBaşKomandan #RəşadətliAzərbaycanOrdusu #QarabağAzərbaycandır #ZəfərGünü
"AY MEDİA COMPANY"
