2020-ci ilin 27 sentyabrından başlayan İkinci Qarabağ müharibəsində
bütövləşən Vətən naminə dəmir yumruğumuzu düşmənin başına endirdik, döyüş
meydanında başını əzərək tarixi Qələbə qazandıq. Azərbaycan xalqının 30 illik
Qarabağ niskilinə 44 gündə son qoyaraq qalib ölkənin vətəndaşı olmağı bacardıq.
Cənab Prezident, Silahlı Qüvvələrin Müzəffər Ali Baş Komandanı İlham Əliyevin
rəhbərliyi altında şanlı Azərbaycan Ordusu bu haqq savaşından da alnıaçıq, üzüağ
çıxdı. 44 günlük Vətən müharibəsindən qalib ayrılan igid əsgər və zabitlərimiz,
qanını Vətən torpağına qarışdıran şəhidlərimiz, sağlamlığını itirən qazilərimiz
göstərdikləri şücaətlə dövlətimizin, ordumuzun gücünü, qüdrətini bütün dünyaya
bir daha nümayiş etdirdilər.
Azərbaycanın hərb tarixinə qızıl hərflərlə yazılan Qələbəmizin
qazanılmasında payı olan igid oğullarımızdan biri də 19 yaşlı Şəhidimiz əsgər
Sultanlı Elşən Nazim oğludur.
Biz, Ay Media Company MMC və Dəmir Yumruq Alfa-A MMC olaraq
özümüzə borc bildik ki, bu Şəhid balamızın ailəsinə baş çəkək, eyni zamanda
Qəhrəmanımızın ailəsini dahada yaxından tanıyaq. Bu məqsədlə yola çıxıb
Azərbaycanımızın dilbər guşələrindən biri olan Yardımlı rayonunun ucqar dağ
kəndi olan Teşkan kəndinə gəlib çatdıq. Uca dağlar başında olan bu Teşkan kəndi
20 evdən ibarətdi. Kəndə gəlib çatdıqda soraqlaşaraq Şəhidimizin evinə
yaxınlaşdıq. Bizi şəhidimizin atası Nazim kişi qarşıladı. Onunla söhbət zamanı
məlum oldu ki, 20 evdən ibarət olan bu kənddə ibtitadi təhsil məktəbi var.
Qəhrəmanımız da ilk təhsilini bu məktəbdə almışdır.
Sultanlı Nazim bildirdi ki, ailədə 5 övlad böyüdürmüş. Elşən ailədə 2-ci
övlad idi. Elşən 2019-cu ilin aprel ayında Həqiqi Hərbi xidmətə çağırılıb və and
içmədən sonra hərbi xidmətini N saylı hərbi hissədə davam etdirib. Gələcək
planları çox idi. Hərbi xidmətdən sonra öz obasında atasına kömək olacaqdı. Daha
sonra ailə qurmaq, oğul uşaq sahibi olmaq və s. Lakin digər arzusu gözündə qalan
balalarımız kimi onunda arzuları başa çatmadı.
Hərbi xidmətinin başa çatmasına 3 gün qalmış başlanan 44 günlük
müharibəyə qatılıb. Döyüşlərə Suqovuşan istiqamətindən qatılıb. Daha sonra
əlavə qüvvə kimi Ağdərə uğrunda gedən döyüşlərdə iştirak edib. 16 oktyabr
2020-ci il 530 yüksəkliyi uğrunda gedən döyüşlər zamanı aldığı yaralardan
Şəhidlik məqamına ucalmışdır. Valideyinlərinə bu xəbər 19 oktyabr verilib. Lakin
məlum şəraitə görə uzun müddət Şəhidimizin nəşini döyüş meydanından çıxarmaq
mümkün olmayıb. Uzun müddətdən sonra, daha doğrusu 12 noyabr Milli
Ordumuzun əsgərləri Elşənin və onun digər cəbhə yoldaşlarının nəşini döyüş
meydanından çıxararaq DNT analızı aparıldıqdan sonra 18 noyabr ailələrinə təhvil
verilib. Ali Baş Komandan, Ölkə Rəhbərimiz tərəfindən ölümündən sonra Elşən
Sultanlı “VƏTƏN UĞRUNDA”, “SUQOVUŞANIN AZAD OLUNMASINA
GÖRƏ”, “CƏSUR DÖYÜŞÇÜ” medalları ilə təltif edilib... Qeyd etdiyimiz kimi
kənd kiçik olduğundan Şəhidimiz məzarıda öz yaşadığı evin qarşısında, yəni
həyətlərində torpağa tapşırılıb.
Şəhid övladı haqqında bütün bunları danışdıqca atanın gözlərində həm
qəm kədər, həmdə bir qürur verici bir hissləri müşahid edirdik. Sonda dərindən
köks ötürərək dedi: “Şükür Allaha ki, övladım Vətənin, xalqın uğrunda ən yüksək
məqama çatıb. Bilirəm ki, hər axşam gəlib kənardan bizlərə baxır. Axı Şəhidlər
ölməzdi. Bunu şəritimizdə belə buyurub. Təki bir daha Vətənimizin başının üstünü
belə qara buludlar olmasın. Əgər belə bir hall olarsa mən o biri övladlarımıda
Vətənə qurban verməyə hazıram”. Söhbət əsnasında onuda öyrəndik ki, qonağı
olduğumuz Teşkan kəndinin 44 günlük Vətən müharibəsi zamanı 1 şəhidi, 1 qazisi
və 6 Vətən Müharibəsi iştirakçısı olmuşdur. Həmdə söhbətimizin əvvəlində
Şəhidimizin atası bildirmişdi ki, 20 evdən ibarət olan bu kəndin tam orta məktəbi
yoxdur. 9 illik məktəb başqa uzaq kəndə yerləşir. Nazim kişi bildirdi ki, yaxşı
olardı ki, kəndimizdə tam orta məktəb olardı.
Görüşümüzü bitirib Sultanlılar ailəsi ilə sağollaşıb yola çıxdıq. Onların
evlərindən aralanan zaman bir anlıq həyətdə dəfn olunmuş Şəhidimizin məzarına
baxaraq sağollaşmaq istəyəndə bizə elə gəldiki Elşən bizə gülümsəyərək bizə baxıb
əl sallayaraq sağollaşırdı. Bu xəyal idi ya gerçək bunu deyə bilmərik. Amma bir
onu bilirik ki, Şəhidlər ölməzdi və Allah dərgahında üstün bir mərtəbədədilər...
“AY MEDİA COMPANY”
ALMAZ YAŞAR
