Qara Yanvar, bəzən Qanlı Yanvar və ya 20 Yanvar faciəsi — 1990-cı il yanvarın 19-dan 20-nə keçən gecə, saat 23:30-da Bakı şəhərinə keçmiş Sovet İttifaqının qoşun hissələri tərəfindən fövqəladə vəziyyət elan edilmədən yeridilmiş və dinc əhaliyə divan tutulmuş, nəticəsində yüzlərlə insan qətlə yetirildiyi, yaralandığı və itkin düşdüyü qırğın.

Sovet qoşunların qanunsuz yeridilməsi nəticəsində Bakıda,Azərbaycan rayonlarında 146 nəfər öldürülmüş,744 nəfər yaralanmış,841 nəfər qanunsuz həbs olunmuşdur,hərbi qulluqçular tərəfindən 200 ev və mənzil, 80 avtomaşın, o cümlədən təcili yardım maşınları, yandırıcı güllələrin törətdiyi yanğın nəticəsində dövlət əmlakı və şəxsi əmlak məhv edilmişdir.Eyni zamanda bu gecədə evlərə girib qadınları və uşaqları girov götürür,bəzilərini isə öldürürdülər,həmçinin həlak olanlar arasında qocalar,təcili yardım işçiləri və milislər olmuşdur.

Vətən uğurunda həlak olmuş Şəhidlərimiz qarşısında baş əyirik, onları hörmətlə anırıq.