Müasir dövrün istər insanlar, istərsə də millət və dövlətlərin beynəlxalq aləmdə tanıdılmasının səbəblərindən biri də idmandır. İdman təkcə fiziki cəhətcə insanların güclənməsinə və inkişaf etməsinə səbəb olmur, həmçinin onları gündəlik həyatda daha hazırlıqlı və mütəşəkkil edir. Atalarımız deyirki: "Sağlam bədəndə sağlam ruh olar." Ruh halımız, əhval-ruhiyyəmiz elə orqanizmimizin sağlamlığından keçir. Bunun üçün həmişə istər həkimlərimiz, istərsə də qədimdən bu coğrafiyada yaşayan igid qəhrəmanlarımız daima hərəkətdə olublar. Ölkəmiz idman sahəsinə beynəlxalq aləmdə çox qabarıq şəcərəsi olan idmançılar təqdim edib. Beynəlxalq aləmdə Azərbaycanımızı idmanda təmsil edən, tanıdan idmançılardan biri də gənc idmançı Türkeş Mustafayevdir.
Gənc idmançımız 16 İyul 2002-ci ildə Rusiya Federasiyasının Moskva şəhərində anadan olub. Orta məktəb təhsilini Atatürk liseyində və 27 saylı tam orta məktəbdə alıb (2008-2019).
Atası Səyavuş Mustafayev idmanla məşğul olduğu üçün uşaqlığından Türkeşin elə ilk müəllimi olub. 5 yaşından Siyavuş müəllim Türkeşi bu sahəyə həvəsləndirib və idmançı olmasını bir valideyin kimi dəstəkləyib. Daha sonra Türkeş Nərimanov rayonunda fəaliyyət göstərən Rabitə Boks İdman Klubuna daxil olub və burada tanınmış boks müəllimi Rasim Məmmədovdan dərs almağa başlayıb. Məşğul olduğu ilk illərdə nəaliyyət qazanaraq
Gürcüstan Respublikasının Batumi şəhərində Beynəlxalq turnirdə çempion olur və istər beynəlxalq aləmdə, istərsə də ölkə daxilində keçirilən boks və kingboks turnirilərində yüksək nəaliyyətlər əldə edib. Hal-hazırda Türkeş Mustafayev özü müəllim kimi fəaliyyət göstərir və tələbələri var. Müsahibim bir müəllim kimi öz tələbələrindən danışanda bildirir ki, bu yaxınlarda tələbəsi Sahib Rəhimov-Boks üzrə Bakı çempionatında 3-cü yerin sahibi olub. O cümlədən, İmişli Olimpiya Kompleksində Aprel şəhidlərimizin xatirəsinə həsr edilən boks yarışında tələbələri yaş və çəki kateqoriyasında aşağıdaki yüksək nəticələri qazanıblar:
1.Abbaszadə Samir - 1-ci yer
2.Niftəlizadə Ağarəhim -1-ci yer
3.Qurbanlı Emin- 1-ci yer
4.Məmmədli Rəsul- 1-ci yer
5.Novruzov Taleh- 1-ci yer
6.Kazımov Yusif- 1-ci yer
7.Yusubov Səlcuq- 1-ci yer
8.Rəsulzadə Rəvan- 1-ci yer
9.Əhmədzadə Ülvi- 2-ci yer
10.Aslanov Zöhrab- 2-ci yer
11.Əliyev Friday- 1-ci yer
12.Azadlı Xəyal- 1-ci yer
13.İmanov Nihad- 1-ci yer
14.Kərimov İmran- 1-ci yer
15.Fərzizadə Şüküran -1-ci yer...
Həmçinin, tələbələri İmran Kərimov, Nihat İmanov
və Samir Abbaszadə həm boks, həm də king boks döyüşləri üzrə 2024-cü il Aprel ayının 13-14-də keçirilən Bakı çempionatında 3 yer tutublar.Türkeş Mustafayev birgə çalışdıqları İntiqam Həsənovla və onun dəsdəyi ilə daha yüksək nailiyyətlər əldə edəcəyini bildirdi.
Müsahibimdən ən böyük arzusunu soruşduqda isə hər idmançı kimi Olimpiya Çempionu olmaq arzsunun olduğunu bildirdi. Biz də Türkeşin bu duasına amin dedik və bu çətin və şərəfli yolda gənc idmançımıza uğur və müvəffəqiyyət, daha parlaq qələbələr qazanaraq ölkəmizin hüdudlarından kənarda millətimizi, dövlətimizi, bayrağımızı layiqincə təmsil edib baş ucalığı gətirməyini arzu edirik.
Fərid Əmiraslanov
"AYMEDİACOMPANY.AZ"
