“Futbol yenidən Ağdama qayıdacaq. Bu, çox sevindirici hadisədir. Prezident İlham Əliyev başda olmaqla, bu gözəl təşəbbüsün bütün iştirakçılarına minnətdarlığımı bildirirəm. Açığı, xəbəri eşidəndə çox kövrəldim. İnanıram ki, adına layiq stadion olacaq”.
Bu sözləri Azərbaycan millisinin və “Qarabağ”ın sabiq futbolçusu Elşad Əhmədov Prezident İlham Əliyevin sentyabrın 19-da Ağdam şəhərində “İmarət” stadionunun təməlini qoyması barədə danışarkən deyib.
Karyerası ərzində yalnız bir klubun - Ağdam təmsilçisinin formasını geyinmiş 54 yaşlı veteran müdafiəçi “İmarət” stadionunda keçirilmiş son oyunu xatırlayıb: “1989–2001-ci illərdə “Qarabağ”ın futbolçusu olmuşam. Bu illər ərzində keçirdiyimiz matçları yaddan çıxarmaq mümkün deyil. Son oyunumuz 1993-cü il mayın 12-də Azərbaycan Kubokunun yarımfinal mərhələsində "Turan Tovuz"a qarşı olub. Bu qarşılaşmada bizi ən çox əsgərlərimiz dəstəkləyirdi. Stadionda mülki vətəndaşlar az idi. Tribunaları əsasən əsgərlər və zabitlər doldurmuşdular. “Qarabağ”ın oyunlarını yenidən öz torpaqlarında keçirəcəyini, həmin əsgərlərin illər sonra bir araya yığışıb Ağdam klubunun matçlarını izləyəcəklərini fikirləşəndə insan sevincdən yerə-göyə sığmır”.
Mütəxəssis 11 700 tamaşaçı tutumuna malik olacaq stadionun Ağdam şəhəri üçün ideal olduğunu diqqətə çatdırıb: “Düşünürəm ki, başlanğıc üçün yaxşıdır. Çünki Ağdam böyük şəhər deyil və əhalisi də azdır. 32 il bundan öncə bizim oynadığımız “İmarət”in ərazisi olduqca kiçik idi. Azarkeşlər matçları izləmək üçün ağacların başına dırmaşırdılar. Tribunalar tam dolduğu üçün yer tapa bilmirdilər. Hətta 1991-ci ildə “Kəpəz”lə keçirdiyimiz matça hasardan boylanıb baxanlar da var idi. Bütün bunlar onu deməyə əsas verir ki, ağdamlıların futbola həmişə böyük marağı olub. Azərbaycanın milli qəhrəmanları Asif Məhərrəmov, Allahverdi Bağırov və onun qardaşı Eldar Bağırovun “İmarət”lə bağlı böyük arzuları var idi. 1990-cı ildə stadionumuzun bazası istifadəyə verilmişdi. "Qarabağ"ın təsisçilərindən olan rəhmətlik Adil Nadirov bazanın açılışı zamanı kollektivin bütün üzvlərini bir araya yığdı və dedi ki, vaxt gələcək, komandamız “İmarət”də Avropanın böyük klublarını qəbul edəcək. İndi bu xəyalların reallaşacağını təsəvvürümə gətirəndə qəribə hisslər keçirirəm. Həmin vaxtlar ağlımıza belə gəlməzdi ki, “İmarət”də avrokubok oyunları keçirilə bilər. Çox sevindirici haldır ki, onların əziyyətləri hədər olmadı”.
E.Əhmədov bu mövsüm Region Liqasında çıxış edəcək “Xankəndi” klubunun yaradılmasına da münasibət bildirib: “Dünən bu xəbəri eşidəndə çox xoşbəxt oldum. “İmarət”in açılışının 2027-2028-ci illərə təsadüf edəcəyini nəzərə alsaq, düşünürəm ki, “Xankəndi” klubu o vaxta kimi Premyer Liqaya yüksələ bilər. Ağdamdakı debüt matçının məhz “Qarabağ”la “Xankəndi” arasında baş tutmasını çox istərdim”.
Qeyd edək ki, Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”na uyğun olaraq inşa ediləcək stadion üçün 19,2 hektar torpaq sahəsi ayrılıb. “İmarət” stadionunun UEFA-nın 4-cü kateqoriya tələblərinə uyğun inşa edilməsi nəzərdə tutulub.
Bu sözləri Azərbaycan millisinin və “Qarabağ”ın sabiq futbolçusu Elşad Əhmədov Prezident İlham Əliyevin sentyabrın 19-da Ağdam şəhərində “İmarət” stadionunun təməlini qoyması barədə danışarkən deyib.
Karyerası ərzində yalnız bir klubun - Ağdam təmsilçisinin formasını geyinmiş 54 yaşlı veteran müdafiəçi “İmarət” stadionunda keçirilmiş son oyunu xatırlayıb: “1989–2001-ci illərdə “Qarabağ”ın futbolçusu olmuşam. Bu illər ərzində keçirdiyimiz matçları yaddan çıxarmaq mümkün deyil. Son oyunumuz 1993-cü il mayın 12-də Azərbaycan Kubokunun yarımfinal mərhələsində "Turan Tovuz"a qarşı olub. Bu qarşılaşmada bizi ən çox əsgərlərimiz dəstəkləyirdi. Stadionda mülki vətəndaşlar az idi. Tribunaları əsasən əsgərlər və zabitlər doldurmuşdular. “Qarabağ”ın oyunlarını yenidən öz torpaqlarında keçirəcəyini, həmin əsgərlərin illər sonra bir araya yığışıb Ağdam klubunun matçlarını izləyəcəklərini fikirləşəndə insan sevincdən yerə-göyə sığmır”.
Mütəxəssis 11 700 tamaşaçı tutumuna malik olacaq stadionun Ağdam şəhəri üçün ideal olduğunu diqqətə çatdırıb: “Düşünürəm ki, başlanğıc üçün yaxşıdır. Çünki Ağdam böyük şəhər deyil və əhalisi də azdır. 32 il bundan öncə bizim oynadığımız “İmarət”in ərazisi olduqca kiçik idi. Azarkeşlər matçları izləmək üçün ağacların başına dırmaşırdılar. Tribunalar tam dolduğu üçün yer tapa bilmirdilər. Hətta 1991-ci ildə “Kəpəz”lə keçirdiyimiz matça hasardan boylanıb baxanlar da var idi. Bütün bunlar onu deməyə əsas verir ki, ağdamlıların futbola həmişə böyük marağı olub. Azərbaycanın milli qəhrəmanları Asif Məhərrəmov, Allahverdi Bağırov və onun qardaşı Eldar Bağırovun “İmarət”lə bağlı böyük arzuları var idi. 1990-cı ildə stadionumuzun bazası istifadəyə verilmişdi. "Qarabağ"ın təsisçilərindən olan rəhmətlik Adil Nadirov bazanın açılışı zamanı kollektivin bütün üzvlərini bir araya yığdı və dedi ki, vaxt gələcək, komandamız “İmarət”də Avropanın böyük klublarını qəbul edəcək. İndi bu xəyalların reallaşacağını təsəvvürümə gətirəndə qəribə hisslər keçirirəm. Həmin vaxtlar ağlımıza belə gəlməzdi ki, “İmarət”də avrokubok oyunları keçirilə bilər. Çox sevindirici haldır ki, onların əziyyətləri hədər olmadı”.
E.Əhmədov bu mövsüm Region Liqasında çıxış edəcək “Xankəndi” klubunun yaradılmasına da münasibət bildirib: “Dünən bu xəbəri eşidəndə çox xoşbəxt oldum. “İmarət”in açılışının 2027-2028-ci illərə təsadüf edəcəyini nəzərə alsaq, düşünürəm ki, “Xankəndi” klubu o vaxta kimi Premyer Liqaya yüksələ bilər. Ağdamdakı debüt matçının məhz “Qarabağ”la “Xankəndi” arasında baş tutmasını çox istərdim”.
Qeyd edək ki, Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”na uyğun olaraq inşa ediləcək stadion üçün 19,2 hektar torpaq sahəsi ayrılıb. “İmarət” stadionunun UEFA-nın 4-cü kateqoriya tələblərinə uyğun inşa edilməsi nəzərdə tutulub.
