Beynəlxalq təcrübədə geniş tətbiq olunan karbon emissiyasının azaldılması məqsədilə “karbon vergisi” və ya analoji verginin tətbiqi imkanlarının qiymətləndirilməsi, “karbon vergi”sinin vergitutma obyekti olan karbon emissiyasının ölçülməsi sisteminin ölkəmizdə yaradılması, hazırda ətraf mühitin qorunması üçün dünya ölkələrində tətbiq edilən “karbon qiymətləri” tədbirlərinin ölkəmizdə tətbiqi kimi proseslər hazırda hökumətdə həmkar qurumlarla müzakirələrin mühüm istiqamətidir.

Bu sözləri Dövlət Vergi Xidmətinin (DVX) rəisi Orxan Nəzərli Karbon Qiymətqoyma üzrə Beynəlxalq Forumda çıxışı zamanı deyib.

Onun sözlərinə görə, bununla bağlı bir sıra beynəlxalq təşkilatlarla, beyin mərkəzləri, təhsil müəssisələri və əlaqəli sənayelərlə əməkdaşlıq əlaqələri mövcuddur: “Bu sahədə həm təcrübələri öyrənirik, həm mövcud təcrübələrin yaratdığı çağırışları birgə müzakirə edirik, həm də ölkəmiz üçün düzgün vergiqoyma siyasətini müəyyən edirik”, - deyə O.Nəzərli vurğulayıb.