20 avqust 636-cı ildə Ərəb ordusu Xalid bin Vəlidin sərkərdəliyi ilə Yermuk döyüşündə Bizans ordusunu məğlub edərək Suriya və Fələstinə nəzarəti ələ keçirdi.
20 avqust 1000-ci il Macarıstan dövlətinin yaranma günüdür.
20 avqust 1648-ci ildə Roma-Tevton imperiyasının Lens müharibəsində məğlub olması ilə otuz illik müharibəyə son qoyuldu.
20 avqust 1866-cı ildə ABŞ prezidenti Endryu Conson (Andrew Johnson) ölkədə vətəndaş müharibəsinin başa çatdığını rəsmən elan etdi.
1901-ci il. Məşhur xanəndə, Xalq Artisti Xan Şuşinskinin doğum günü (İsfəndiyar Cavanşirov 1901-1979). 16 yaşında olarkən ustadı İslam Abdullayevlə birgə iştirak etdiyi məclisdə təbrizli xanəndə Əbdülhəsən xanın yolu ilə "Kürd-Şahnaz" muğamını heyrətamiz bir tərzdə ifa etdiyinə görə müəllimi ona "Xan" ləqəbini verib. 1934-cü ildə Xan Şuşinski Tiflis şəhərində keçirilən Zaqafqaziya xalqlarının birinci incəsənət olimpiyadasında böyük müvəffəqiyyət qazanaraq, birinci mükafata layiq görülüb. Azərbaycan musiqi tarixində ilk duet Şövkət xanım Ələkbərova ilə Xan Şuşinskinin ifasında səslənib. Xan Şuşinski Üzeyir Hacıbəyovdan başqa heç bir bəstəkarın yaradıcılığına müraciət etməyib. Azərbaycan musiqi tarixinin əvəzolunmaz korifeyi Xan Şuşinskinin səsinin yadigarı kimi cəmisi 240 dəqiqəlik lent yazısı qalıb.
1912-il. SSRİ Xalq Artisti, Dövlət mükafatı laureatı, Sosialist Əməyi Qəhrəmanı görkəmli dirijor və bəstəkar Niyazinin doğum günü (1912-1984). O, dahi bəstəkar Üzeyir Hacıbəyovun qardaşı Zülfüqar Hacıbəyovun ailəsində dünyaya göz açıb. Beynəlxalq mükafatlar laureatı olan maestro "Xosrov və Şirin", "Çitra" baletlərinin, simfoniyaların, mahnıların, 25-dək kinofilmə yazılmış musiqilərin müəllifidir. Niyazi Z.Hacıbəylinin "Aşıq Qərib", Ü.Hacıbəylinin "Arşın mal alan" və s. əsərlərinin yeni redaksiyalarını hazırlayıb, Azərbaycan xalq mahnılarını ("Xumar oldum", "Qaragilə", "Ay bəri bax", "Küçələrə su səpmişəm" və s.) simfonik orkestr üçün işləyib, 1935-ci ildə "Rast" və "Şur" muğamlarını nota salıb. O, "Çitra" baletinə görə 1974-cü ildə Hindistanda beynəlxalq Nehru mükafatına layiq görülüb.
1914-cü ilin 20 avqust - Birinci dünya müharibəsi: Almanlar Brüsseli işğal etdilər.
1918-ci il. Azərbaycanın məşhur fiziki-alimi, Dövlət mükafatı laureatı, akademik Həsən Abdullayevin ad günü (1918-1993). O, 1970-1983-cü illərdə Azərbaycan SSR Elmlər Akademiyasının prezidenti olub.
20 avqust 1921-ci ildə Beynəlxalq Atletika Federasiyası yaradıldı. Əvvəlki bütün ən yaxşı qələbələr dünya rekordları kimi qeyd edildi.
1925 — Roma metrosunun ilk xətti açıldı.
20 avqust 1940-cı ildə sosialist inqilabının liderlərindən olan Lev Trotski sürgündə yaşadığı Meksikada Stalinin xəfiyyəsi tərəfindən öldürüldü.
20 avqust 1968-ci ildə Çexoslovakiya Sovet İttifaqı və Varşava Paktı ölkələri tərəfindən işğal edildi. Aleksandr Dubçek və digər Çex liderləri həbs edildi. Sovet tankları Praqa küçələrində xalqın müqaviməti ilə qarşılaşdı.
20 avqust 1975-ci ildə NASA-nın “Viking 1” kosmik gəmisi Marsa yola düşdü. İki ildən sonra eyni gündə “Voyager 2” Yupiter, Saturn və Neptunu tədqiq etmək üçün kosmosa buraxıldı.
20 avqust 1988-ci ildə 8 illik İran-İraq müharibəsi atəşkəslə başa çatdı.
2001-ci il. Prezident Heydər Əliyev Azərbaycanda hərbi təhsil sisteminin təkmilləşdirilməsi ilə bağlı Fərman imzalayıb. Fərmana əsasən, Silahlı Qüvvələr üçün kadr hazırlığının təkmilləşdirilməsi məqsədilə Müdafiə Nazirliyi sistemində fəaliyyət göstərən məktəblər Azərbaycan Ali Hərbi Məktəbi, Azərbaycan Hərbi Dənizçilik Məktəbi və Azərbaycan Ali Hərbi Təyyarəçilik Məktəbi adlandırılıb. 2004-cü ildən bu hərbi məktəblər Heydər Əliyevin adını daşıyır.
20 avqust 2008-ci ildə İspaniya Hava Yollarının sərnişin təyyarəsi Madriddən Kanar adalarına yola çıxarkən uçuş-enmə zolağında yandı, 153 nəfər həlak oldu.
20 avqust 2017-ci ildə məşhur Amerikan komediyaçısı Cerri Levis (Jerry Lewis) 91 yaşında Las Veqasdakı evində vəfat etdi.
