Avqustun 26-da Azərbaycan Milli Xalça Muzeyinin yeni binasında fəaliyyətə başlamasının 10 ili tamam olur. Dənizkənarı Milli Parkın ərazisində inşa olunan binanın açılışı 2014-cü ilin bu günündə Prezident İlham Əliyev və birinci xanım Mehriban Əliyevanın iştirakı ilə keçirilib.
Avstriya memarı Frans Yantsın layihəsi üzrə ərsəyə gələn tikili – “bükülmüş xalça” binası orijinal memarlıq nümunəsi kimi Bakının yeni rəmzləri sırasına daxil oldu.
1967-ci ildə təşkil edilən və tətbiqi sənətin unikal nümunələrinin toplandığı Xalça Muzeyi ayrı-ayrı dövrlərdə müxtəlif ünvanlarda yerləşib. Bu nümunələrin daha geniş və səmərəli nümayişi məqsədilə yeni binanın tikilməsi üçün dövlət başçısı İlham Əliyev 2008-ci ildə müvafiq sərəncam imzalamışdı.
Hazırda muzeyin sərgi və fondlarında 13 mindən çox eksponat saxlanılır. Onların saxlanılması və konservasiyası bu sahədə qabaqcıl beynəlxalq təcrübə əsasında, o cümlədən Viktoriya və Albert Muzeyinin (London) parçaların konservasiyası üzrə mütəxəssisi Louise Squirerin tövsiyələri ilə tərtib edilmiş təlimatlar üzrə təmin olunur...
Azərbaycan Milli Xalça Muzeyinin yeni binasının 10 yaşı münasibətilə avqustun 26-da muzeydə “Qədim sənətin müasir məkanı” adlı tədbir keçiriləcək.
Tədbir çərçivəsində “Xalça mənim üçün” videolayihənin təqdimatı, muzeyin binasının memarı Frans Yantsla görüş, Almaniya, İtaliya və Türkiyədən olan kolleksiyaçıların muzeyə hədiyyə etdikləri xalçaların təqdimatı, cazmen Emil Əfrasiyabın iştirakı ilə konsert proqramı nəzərdə tutulub.
Avstriya memarı Frans Yantsın layihəsi üzrə ərsəyə gələn tikili – “bükülmüş xalça” binası orijinal memarlıq nümunəsi kimi Bakının yeni rəmzləri sırasına daxil oldu.
1967-ci ildə təşkil edilən və tətbiqi sənətin unikal nümunələrinin toplandığı Xalça Muzeyi ayrı-ayrı dövrlərdə müxtəlif ünvanlarda yerləşib. Bu nümunələrin daha geniş və səmərəli nümayişi məqsədilə yeni binanın tikilməsi üçün dövlət başçısı İlham Əliyev 2008-ci ildə müvafiq sərəncam imzalamışdı.
Hazırda muzeyin sərgi və fondlarında 13 mindən çox eksponat saxlanılır. Onların saxlanılması və konservasiyası bu sahədə qabaqcıl beynəlxalq təcrübə əsasında, o cümlədən Viktoriya və Albert Muzeyinin (London) parçaların konservasiyası üzrə mütəxəssisi Louise Squirerin tövsiyələri ilə tərtib edilmiş təlimatlar üzrə təmin olunur...
Azərbaycan Milli Xalça Muzeyinin yeni binasının 10 yaşı münasibətilə avqustun 26-da muzeydə “Qədim sənətin müasir məkanı” adlı tədbir keçiriləcək.
Tədbir çərçivəsində “Xalça mənim üçün” videolayihənin təqdimatı, muzeyin binasının memarı Frans Yantsla görüş, Almaniya, İtaliya və Türkiyədən olan kolleksiyaçıların muzeyə hədiyyə etdikləri xalçaların təqdimatı, cazmen Emil Əfrasiyabın iştirakı ilə konsert proqramı nəzərdə tutulub.
