9 sentybr 1570-ci ildə Lefkoşa Türklər tərəfindən fəth edildi. Quzey Kıprıs Türk Cümhuriyyətinin başkəndi Lefkoşanın Osmanlı İmperiyası tərəfindən fəth olunmasının 454-cü ildönümüdür.

9 sentiyabrb1801-ci ildə Rus qoşunu Bakı ətrafı əraziləri işğal etmişdir.

9 sentiyabr 1825-ci ildə Bethovenin son konserti olmuşdur.

9 sentiyabr 1828-ci il rus yazıçısı, publisisti və filosofu Lev Nikolayeviç Tolstoyun doğum günüdür (1828-1910). Müəllifi olduğu “Hərb və sülh” və “Anna Karenina” əsərləri ilə dünya ədəbiyyatında roman janrının ən görkəmli nümunələrini yaradıb. XIX əsr rus cəmiyyətinin realistik mənzərəsini canlandıran bu iki əsər realist roman janrının yüksək zirvəsində qərar tutub. Tolstoyun ilk hekayə və povestlərinin bir qismi Qafqaz həyatı ilə bağlıdır.

9 sentiyabr 1835-ci il Fransada senzura: karikatura çəkmək qadağan edilmişdir.

9 sentiyabr 1911-ci ildə dünyada ilk dəfə İngiltərədə aviapoçt xidməti meydana gəlmişdir.

1922-ci ilin 9 sentyabr tarixində Dumlupinar Meydan Müharibəsində qələbə əldə edilməsindən sonra Türkiyə Ordusu işğal altındakı İzmir şəhərinə girdi.

9 sentiyabr 1926-cı il Azərbaycanın ilk qadın pediatr alimi, tibb elmləri doktoru, Azərbaycan Milli Elmlər Akademiyasının həqiqi üzvü Ədilə Namazovanın doğum günüdür. 1971-ci ildə SSRİ Tibb Elmlər Akademiyasının müxbir üzvü, 1981-ci ildə əməkdar elm xadimi, 1983-cü ildə Azərbaycan Elmlər Akademiyasının həqiqi üzvü, 1993-cü ildə Rusiya Federasiyası Tibb Elmlər Akademiyasının həqiqi üzvü, 1982-ci ildə Azərbaycan SSR Dövlət mükafatı laureatı olan Ə.Namazova 1965-ci ildən Azərbaycan Tibb İnstitutunun pediatriya kafedrasının müdiri vəzifəsində çalışıb. O, tədqiqatını əsasən, uşaqlarda revmatizm və ürək-damar xəstəliklərinə həsr edib. Azərbaycanda pediatriya elmi məktəbinin yaradıcısı olan Ə.Namazova 300 elmi əsərin, 8 monoqrafiya və dərsliyin, 5 ixtiranın müəllifidir. Azərbaycan Pediatrlar Assosiasiyasının prezidenti, Azərbaycan Respublikasının Prezidenti yanında Ali Attestasiya Komissiyasının Rəyasət Heyətinin üzvü, Türkdilli Ölkələrin Pediatrlar Cəmiyyətinin vitse-prezidenti olan akademik SSRİ Ali Sovetinin (11-ci çağırış) deputatı olub. Həmçinin Azərbaycanın “Şöhrət” ordeni ilə təltif edilib. O, Azərbaycanda tibb elminin inkişafında xidmətlərinə və tibb kadrlarının yetişdirilməsində uzunmüddətli səmərəli fəaliyyətinə görə, Prezident İlham Əliyevin 2016-cı il 7 sentyabr tarixli Sərəncamı ilə “Azərbaycan Respublikası Prezidentinin fəxri diplomu” ilə təltif edilib.

9 sentiyabr 1944-cü idə Bolqarıstan faşizmdən azad olunmuşdur.

9 sentyabr 1948-ci ildə Kim İl-Sunq Şimali Koreyanın qurulduğunu elan etdi.

9 sentyabr 1976-cı ildə Çin xalq Cümhuriyyətinin qurucusu Mao Zedunq öldü.

1982-ci ilin 9 sentyabr tarixində Türkiyənin Burqaz Konsulluğu İdari attaşesi Bora Süelkan erməni terrorçular tərəfindən şəhid edildi.

9 sentyabr 1991-ci ildə Tacikistan Sovet İttifaqından ayrılaraq müstəqilliyini elan etdi.

9 sentiyabr 1991-ci ildə Ermənistan silahlı qüvvələri Dağlıq Qarabağın azərbaycanlı əhalisinə qarşı yeni terror aktları həyata keçiriblər. Ağdam-Xocavənd marşrutu üzrə hərəkət edən avtobusun atəşə tutulması nəticəsində 5 nəfər qətlə yetirilib, 34 nəfər yaralanıb. Ağdam-Qaradağlı marşrutu üzrə hərəkət edən avtobusun gülləbaran edilməsi nəticəsində isə 8 azərbaycanlı həlak olub, 42 nəfər xəsarət alıb.

1993-cü ilin 9 sentyabr günü İsrail və Fələstin Azadlıq təşkilatı bir-birlərini rəsmi olaraq tanıdılar.

9 Sentyabr Beynəlxalq Gözəllik Günüdür. Beynəlxalq Estetika və Kosmetologiya Komitəsi (SİDESKO) Beynəlxalq Gözəllik Gününün elan olunması təşəbbüsü ilə çıxış edib. 1995-ci ildən başlayaraq, hər il sentyabrın 9-u Beynəlxalq Gözəllik Günü kimi qeyd olunmağa başlayıb. Hər ilin bu günündə bir sıra ölkələrdə gözəllik müsabiqələri keçirilir.

9 sentyabr 2001-ci ildə Əfqanıstan müqavimətinin lidərlərindən Əhməd Şah Məsud sui-qəsd nəticəsində öldürüldü.

2004-cü ilin 9 sentyabr günü İndoneziyanın paytaxtı Cakartadakı Avstraliya Səfirliyinə bombalı hücum edildi, 10 nəfər öldü.