Azərbaycanın Əməkdar rəssamı Mehriban Əfəndi ABŞ-də keçirilən beynəlxalq sərgidə növbəti dəfə ölkəmizi təmsil edir.
O, dünya üzrə 17 məşhur sürrealist rəssam arasından seçilərək Vaşinqtondakı “Shotgun Studio” incəsənət qalereyasında təşkil olunan sərgiyə qatılıb. “Beynəlxalq sürrealizm bu gün” layihəsi çərçivəsində keçirilən sərgidə rəssamın "Yaz təranələri" əsəri nümayiş olunur. Xatırladaq ki, rəssam 2015-ci ildə də eyniadlı əsəri ilə ABŞ-də sürrealizm sərgisində iştirak etmişdi.
Üç ay davam edəcək sərginin baş kuratorları amerikalı sürrealist rəssam Roch Fautch və Portuqaliyadan tanınmış sürrealist rəssam Santiaqo Ribeirodur.
Sərgidə heykəl, instalyasiya və müasir sürreal sənət nümunələri ilə yanaşı, yaradıcı performanslar, şou-proqramlar təqdim olunacaq.
Qeyd edək ki, Mehriban Əfəndi ilk dəfə “Beynəlxalq sürrealizm bu gün” hərəkatına 2010-cu ildə Portuqaliya rəssamı Santiaqo Riberonun dəvəti və Bissaya Barreto Fondunun maliyyələşdirdiyi layihə çərçivəsində qatılıb. Rəssamın əsərləri Portuqaliya, ABŞ, Hollandiya, Bolqarıstan, Slovakiya, İngiltərə, Monteneqro və digər ölkələrdə nümayiş etdirilib.
O, dünya üzrə 17 məşhur sürrealist rəssam arasından seçilərək Vaşinqtondakı “Shotgun Studio” incəsənət qalereyasında təşkil olunan sərgiyə qatılıb. “Beynəlxalq sürrealizm bu gün” layihəsi çərçivəsində keçirilən sərgidə rəssamın "Yaz təranələri" əsəri nümayiş olunur. Xatırladaq ki, rəssam 2015-ci ildə də eyniadlı əsəri ilə ABŞ-də sürrealizm sərgisində iştirak etmişdi.
Üç ay davam edəcək sərginin baş kuratorları amerikalı sürrealist rəssam Roch Fautch və Portuqaliyadan tanınmış sürrealist rəssam Santiaqo Ribeirodur.
Sərgidə heykəl, instalyasiya və müasir sürreal sənət nümunələri ilə yanaşı, yaradıcı performanslar, şou-proqramlar təqdim olunacaq.
Qeyd edək ki, Mehriban Əfəndi ilk dəfə “Beynəlxalq sürrealizm bu gün” hərəkatına 2010-cu ildə Portuqaliya rəssamı Santiaqo Riberonun dəvəti və Bissaya Barreto Fondunun maliyyələşdirdiyi layihə çərçivəsində qatılıb. Rəssamın əsərləri Portuqaliya, ABŞ, Hollandiya, Bolqarıstan, Slovakiya, İngiltərə, Monteneqro və digər ölkələrdə nümayiş etdirilib.
