17 sentyabr 1176-cı ildə Səlcuqlu Sultanı II Qılınc Arslan ilə Bizans imperatoru I Manuil arasında Dənizli yaxınlığında Miryokefalonda olan müharibədə Bizans Ordusu məğlub edildi.
17 sentiyabr 1598-ci ildə Holland dənizçiləri Mavrikini kəşf etmişlər.
17 sentiyabr 1900-cü ildə Avstraliya İttifaqının yaradıldığı elan olunmuşdur.
17 sentyabr 1908-ci ildə Orvil Rayt (Orwill Wright) və birlikdə uçduğu Tomas E. Selfric (Thomas E. Selfridge) təyyarə qəzasına uğradılar. Qəzada həlak olan Selfric təyyarə qəzasında ölən ilk insan oldu.
17 sentiyabr 1918-ci ildə Qafqaz İslam Ordusu Bakını “Sentrokaspi diktaturası” hökumətindən və daşnak tör-töküntülərindən təmizlədikdən sonra Azərbaycan Xalq Cümhuriyyətinin hökuməti Gəncədən Bakıya köçüb. Bakı rəsmən Cümhuriyyətin paytaxtı elan edilib. Fətəli xan Xoyskinin rəhbərlik etdiyi Nazirlər Şurası Bakıda verdiyi ilk bəyanatda bolşeviklərin “Bakı Kommunası”nın və eser-menşevik-daşnak “Sentrokaspi” hökumətinin qəbul etdiyi bütün qərar və dekretlərin öz qüvvəsini itirdiyini, Azərbaycan Xalq Cümhuriyyəti hökumətinin milli, dini ayrı-seçkilik etmədən ölkənin bütün əhalisinin hüquqlarını qoruyacağını bəyan edib.
17 sentiyabr 1922-ci ildə Berlində “Alqambra” Kino Sarayında dünyada ilk dəfə səsli film nümayiş olunub. Plyonkaya yazılmış film optik-elektron aparatların köməyilə təqdim edilib. Holland yazıçısı German Geyermansın “Araqızışdıran” pyesini “Tri Ergon” şirkətini təşkil edən alman elektrik mühəndisləri Yozef Enql, Hans Foqt və Yozef Massol ekranlaşdırıblar. Lakin səsli filmlərin çəkilməsi əsasən 1930-cu ildən başlanıb.
17 sentyabr 1934-cü ildə Türkiyə Millətlər Cəmiyyətinə üzv seçildi.
17 sentyabr 1939-cu ildə sovet qoşunları Polşa sərhədini keçərək Qərbi Belarus və Qərbi Ukrayna torpaqları hesab edilən ərazilərin SSRİ-yə birləşdirilməsi üçün əməliyyata başlayıb. Bu barədə razılıq həmin il avqustun 23-də SSRİ ilə Almaniya arasında imzalanmış sazişdə (“Molotov-Ribbentrop paktı”) əldə olunmuşdu. SSRİ Polşanın şərqini, Almaniya isə qalan hissəsini işğal etdi.
17 sentyabr 1941-ci ildə ingilis və Sovet işğalı altında olan İranda Şah Rza taxtdan endirildi. Yerinə oğlu Məhəmməd Rza Pəhləvi keçdi.
17 sentyabr 1978-ci ildə Vaşinqtonda ABŞ Prezidenti Cimmi Karterin vasitəçiliyi ilə Misir-İsrail danışıqları sülh sazişi ilə yekunlaşıb. Prezident Ənvər Sədat və Baş nazir Menahem Beqinin imzaladığı sazişə əsasən, İsrail 1973-cü ildə işğal etdiyi Sinay yarımadasını azad edib. Fələstin məsələsi kənarda qaldığı üçün ərəb dövlətləri Misirin addımını satqınlıq kimi qiymətləndirdilər. 1981-ci ildə Ə.Sədat terror aktı nəticəsində öldürüldü.
17 sentiyabr 1988-ci ildə Dağlıq Qarabağın inzibati mərkəzi olan Xankəndində erməni dəstələrinin azərbaycanlı əhalinin evlərinə kütləvi basqınları başlayıb. Şəhərin azərbaycanlı məhəlləsində onlarla ev yandırılıb, partlayış və qırğıınlar törədilib. Sentyabrın 21-də SSRİ rəhbərliyi Xankəndidə xüsusi vəziyyət elan edib, lakin bu müddətədək yüzlərlə azərbaycanlı ailə öz ev-eşiyindən didərgin düşüb.
17 sentiyabr 1988-ci ildə Seulda XXIV Yay Olimpiya Oyunlarının açılışı olmuşdur.
17 sentiyabr 1991-ci ildə Linus Torvalds Linux əməliyyat sisteminin başlanğıc kodunu nəşr etdirmişdir.
17 sentyabr 1996-cı ildə ABŞ prezidenti Bill Klinton Küveytə 3 min 500 əsgər göndərdi. Klinton İraqa təcavüzkar mövqeyinə son qoyması ilə bağlı xəbərdarlıq etdi.
17 sentyabr 2016-cı ildə amerikan döyüş təyyarələri Deyr əz Zorda Suriya hərbi bazasını bombaladı, 62 hərbçi həlak oldu.
