23 sentyabr 1821-ci ildə Osmanlı imperiyasına qarşı başlayan Mora üsyanında Gördüş (Tripoliçe) şəhərini ələ keçirən silahlı yunanlar 10 mindən artıq dinc Türkü öldürdü.
23 sentyabr 1846-cı ilde alman astronom İohan Qalle tərəfindən Günəş sisteminin səkkizinci planeti olan Neptun kəşf edilib. Günəşdən çox aralıda yerləşən, yaşıl-göyümtül rəngdə olan bu planetin üz qabığı maye metan okeanı ilə örtülüdür. Maksimum uzunluğu dörd milyard kilometr olan planet Günəşin ətrafında 165 ildə bir dövrə vurur. Bu göy cisminin səthində temperatur 210 dərəcəyə qədər enir. Neptunun səkkiz peyki var.
23 sentiyabr 1889-cu ildə Fusadziro Yamauti Nintendo adlı oyun kartları istehsal edən şirkətin əsasını qoydu.
23 sentiyabr 1913-cü ildə fransız təyyarəçi Rolan Qarros tarixdə ilk dəfə Aralıq dənizinin üzəri ilə bir sahildən digərinə uçdu.
23 sentiyabr 1923-cü ildə Bolqarıstanda Sentyabr üsyanı başladı.
23 sentiyabr 1928-ci ildə Azərbaycan Dövlət Opera və Balet Teatrının solisti, SSRİ-nin xalq artisti, “Şöhrət” ordenli Firəngiz Əhmədova anadan olub (1928-2011). F.Əhmədova Azərbaycan, Rusiya və Qərbi Avropa bəstəkarlarının operalarında müvəffəqiyyətlə çıxış edib. O, M.Maqomayevin “Nərgiz” operasında Nərgiz, “Şah İsmayıl”da Gülzar, Ü.Hacıbəylinin “Koroğlu” operasında Nigar, F.Əmirovun “Sevil” operasında Sevil, S.Ələsgərovun “Bahadır və Sona” əsərində Sona, C.Verdinin “Aida”sında Aida kimi əsas rolları, Azərbaycan və klassik rus bəstəkarlarının romanslarını sənətkarlıqla ifa edib. F.Əhmədova “O olmasın, bu olsun” (1956), “Sevil” (1970) bədii və “Konsert” (1961), “Azərbaycan elləri” (1976), “Firəngiz Əhmədova” (2003) sənədli filmlərində iştirak edib.
23 sentyabr 1932-ci ildə Səudiyyə Ərəbistanı Krallığı yaranıb. Ərəbistan yarımadasında geniş sahəni (2,15 milyon kv km) əhatə edən Səudiyyə tayfalarının birləşmə prosesi XIX əsrin əvvəlində başlamışdı. 1927-ci ildə İbn Səud Hicaz, Hecd və s. bölgələri birləşdirdi, beş il sonra Səudiyyə Ərəbistanı krallıq elan edildi.
23 sentyabr 1939-cu ildə psixoanalizin banisi Siqmund Freud həyatını itirdi.
23 sentaybr 1973-cü ildə dünya şöhrətli çilili şair Pablo Neruda həyatını itirdi.
1973-cü ilin 23 sentyabr günü hakimiyyətdən çəvriliş nəticəsində kənarlaşdırılan Xuan Peron yenidən Argentina dövlət başçısı səçildi.
23 sentiyabr 1989-cu ildə Azərbaycan dili Azərbaycanın dövlət dili elan olundu.
23 sentyabr 1989-cu ildə Azərbaycan SSR Ali Soveti “Azərbaycan SSR-in dövlət suverenliyi haqqında” Konstitusiya qanunu qəbul edib. Sənəddə qeyd olunurdu ki, ittifaq (SSRİ) səviyyəsində qəbul olunmuş qanunvericilik aktı Azərbaycanın suverenliyinə xələl gətirərsə, onun respublika ərazisində qüvvəsi dayandırılır.
23 sentiyabr 2004-cü ildə Kiyevdə, Ukrayna Ali Radasının binasında GUAM ölkələri Parlament Assambleyasının təsis iclası keçirilib. Tədbirdə Azərbaycan, Gürcüstan, Moldova və Ukrayna parlamentlərinin rəhbərləri tərəfindən GUAM-ın Parlament Assambleyasının yaradılması haqqında Bəyannamə və bu qurumun Parlament Assambleyasının prosedur qaydaları haqqında Əsasnamə imzalanıb.
