30 sentyabr 1207-ci ildə Mövlanə Cəlaləddin Rumi bu günkü Əfqanıstan sərhədləri daxilindəki Belh şəhərində anadan oldu. Əsil adı Məhəmməd Cəlaləddin olan Mövlanə məşhur əsəri Məsnəvisini isə Konya şəhərində yazdı. Fars dilində yazılan Məsnəvi 25 min 618 beyitdən ibarətdir.
30 sentiyabr 1472-ci ildə Quttenberq Bibliyanı çap etmiş və bu hadisə tarixə ilk kitab çapı kimi düşmüşdür.
30 sentyabr 1520-ci ildə 10-cu Osmanlı padşahı avropalıların “Möhtəşəm” adlandırdığı Qanuni Sultan Süleyman taxta oturdu.
30 sentiyabr 1618-ci ildə I Abbas Səfəvi və Osmanlı hökmdarı Xəlil paşa Mərənddə sülh müqaviləsi imzalamışlar. Bu müqavilə tarixdə Sərab sülhü kimi tanınır.
30 sentiyabr 1882-ci ildə ABŞ-ın Viskontin ştatında dünyada ilk hidroelektrik stansiyası qurulub. Su elektrik stansiyası vasitəsilə suyun məcra axınlarında və qabarma proseslərində su kütlələrindən enerji mənbəyi kimi istifadə olunur.
30 sentiyabr 1913-cü ildə məşhur alman mühəndisi Rudolf Dizel müəmmalı şəkildə həlak olmuşdur.
30 sentiyabr 1920-ci ildə əməkdar incəsənət xadimi, kinorejissor Lətif Səfərov anadan olub (1920-1963). Azərbaycanın kino tarixində xüsusi rol oynayan, əslən Şuşadan olan L.Səfərov “Bəxtiyar”, “Doğma xalqımıza”, “Qızmar günəş altında”, “Leyli və Məcnun”, “Koroğlu” filmlərinin rejissoru olub. Bu ekran əsərləri ilə Azərbaycan kinosuna yeni nəfəs gətirən L.Səfərov ekranın estetik funksiyası ilə bağlı nəzəri görüşlərini müəyyən qədər də olsa reallaşdıra bilib.
30 sentiyabr 1949-cu ildə Mao Tsedun Çinin dövlət başçısı seçilmişdir.
30 sentyabr 1966-cı ildə Böyük Britaniyanın Cənubi Afrikadakı müstəmləkəsi olan Botsvana müstəqilliyini elan edib. Botsvana 1885-ci ildə Britaniyanın protektoratlığına keçmişdi.
30 sentyabr 1990-cı ildə Azərbaycan SSR Ali Sovetinə və yerli xalq deputatları sovetlərinə seçkilər keçirilib. İlk dəfə olaraq seçkilər alternativ əsasda və çoxpartiyalı şəraitdə keçirilib. Ali Sovetə seçkilərin ilk turunda 360 dairədən üçdə ikisində deputatlar seçildi, qalan dairələr üzrə təkrar seçkilər elan edildi.
30 sentiyabr 1991-ci ildə Beynəlxalq Tərcüməçilər İttifaqı yaranmış və bu tarix tərcüməçilər günü kimi qeyd olunmağa başlanmışdır.
30 sentiyabr 1992-ci ildə Azərbaycan Dövlət Neft Akademiyasının məzunu Joze Eduardu duş Santuş Anqola prezidenti seçilir.
30 sentyabr 2009-cu ildə İndoneziyanın Sumatra adasında baş verən zəlzələdə min 115 adam öldü.
30 sentiyabr 2012-ci ildə Nizami Gəncəvi Beynəlxalq Mərkəzi təsis edilib. Mərkəz Nizami Gəncəvinin 870 illik yubiley tədbirləri çərçivəsində 2012-ci il sentyabrın 30-da şairin vətəni Gəncədə keçirilən xüsusi toplantıda yaradılıb. Mərkəzin əsas məqsədi müxtəlif xalqlar və mədəniyyətlər arasında dialoq, tolerantlıq və anlaşmanın təbliği, Nizami Gəncəvinin əsərlərində təbliğ etdiyi ümumbəşəri dəyərlərin daha geniş miqyasda dünyaya çatdırılmasıdır.
30 sentyabr 2017-ci ildə Somalinin paytaxtı Moqadişidə tikilən Türkiyənin ölkə xaricindəki ən böyük hərbi bazası istifadəyə verildi.
