Xəbər verdiyimiz kimi, Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti və AMEA Arxeologiya və Antropologiya İnstitutunun birgə təşkilatçılığı ilə Karvan dərəsi kurqanlarında "Keşikçidağda arxeoloji qazıntılar və Yay məktəbi – 4" adlı layihə həyata keçirilir.
25 avqust – 5 oktyabr tarixlərini əhatə edən layihə Arxeologiya və Antropologiya İnstitutunun aparıcı elmi işçisi tarix üzrə fəlsəfə doktoru, dosent Şamil Nəcəfovun rəhbərliyi ilə həyata keçirilir. Layihənin məqsəd tarixi-mədəni irsin qorunub saxlanılması və təbliği, tarixi biliklərin yüksəldilməsi, gənc nəslin mədəni irsin qorunub saxlanılması fəaliyyətinə cəlb edilməsi, gənc arxeoloqların peşəkar bacarıqlarının inkişaf etdirilməsi və mədəniyyət könüllülülərin qazıntı və çöl arxeoloji işlərinin aparmaq bacarıqlarına yiyələnməsidir.
Layihə çərçivəsində sentyabrın 28-də Mədəni İrsin Qorunması, İnkişafı və Bərpası üzrə Dövlət Xidməti, Arxeologiya və Antropologiya İnstitutunun təşəbbüsü və Ağstafa Rayon İcra Hakimiyyətinin dəstəyi ilə “Keşikçidağ” Dövlət Tarix-Mədəniyyət Qoruğu tərəfindən Ağstafa rayon Heydər Əliyev Mərkəzində elmi seminar keçirilib.
Dövlət Xidmətinin nümayəndəsi Emin İbrahimov, Ağstafa RİH-in əməkdaşları Hamil Həsənov və Cəlal Nəsibov, gənc könüllülər, tarix müəllimləri və rayon ziyalılarının iştirak etdiyi seminar Ulu öndərin Ağstafa rayon Heydər Əliyev Mərkəzinin önündə ucaldılmış abidəsinin ziyarət edilməsi ilə başlanıb. Daha sonra qonaqlar qoruq ərazisində aşkarlanmış maddi mədəniyyət nümunələrindən ibarət sərgi, qoruğa məxsus çap məhsulları, o cümlədən, fraqmentləşmiş halda aşkarlanmış artefaktların qoruq əməkdaşı tərəfindən bərpa edilməsi prosesi ilə tanış olublar.
“Keşikçidağ” qoruğunun direktoru Musa Mursaquliyev seminarı açıq elan edib. Sonra layihənin ekspedisiya rəhbəri dosent Şamil Nəcəfov, institutun aparıcı elmi işçisi tarix üzrə fəlsəfə doktoru, dosent Vaqif Əsədov, elmi işçi, bərpaçı-rəssam Fərhad Fərmanov, Bakı Dövlət Universiteti Qazax filialının baş müəllimi İndira Səmədova, rayonun tarix müəllimləri, digər qoruqların əməkdaşları və Dövlət Xidmətinin Gəncə Regional Bölməsinin abidə mühafizəçilərinin çıxışları dinlənilib.
Qoruğun əməkdaşı Firuzə Məmmədova layihə müddətində arxeoloji qazıntı sahəsinə gəlmiş ekskursiyaçıların sayı, layihənin mediada işıqlandırılması barədə məlumat verib.
Mədəni İrsin Qorunması, İnkişafı və Bərpası üzrə Dövlət Xidmətinin tabeliyində fəaliyyət göstərən qoruqların elmi işçiləri “Zoom” platforması vasitəsilə elmi seminara qoşulublar.
25 avqust – 5 oktyabr tarixlərini əhatə edən layihə Arxeologiya və Antropologiya İnstitutunun aparıcı elmi işçisi tarix üzrə fəlsəfə doktoru, dosent Şamil Nəcəfovun rəhbərliyi ilə həyata keçirilir. Layihənin məqsəd tarixi-mədəni irsin qorunub saxlanılması və təbliği, tarixi biliklərin yüksəldilməsi, gənc nəslin mədəni irsin qorunub saxlanılması fəaliyyətinə cəlb edilməsi, gənc arxeoloqların peşəkar bacarıqlarının inkişaf etdirilməsi və mədəniyyət könüllülülərin qazıntı və çöl arxeoloji işlərinin aparmaq bacarıqlarına yiyələnməsidir.
Layihə çərçivəsində sentyabrın 28-də Mədəni İrsin Qorunması, İnkişafı və Bərpası üzrə Dövlət Xidməti, Arxeologiya və Antropologiya İnstitutunun təşəbbüsü və Ağstafa Rayon İcra Hakimiyyətinin dəstəyi ilə “Keşikçidağ” Dövlət Tarix-Mədəniyyət Qoruğu tərəfindən Ağstafa rayon Heydər Əliyev Mərkəzində elmi seminar keçirilib.
Dövlət Xidmətinin nümayəndəsi Emin İbrahimov, Ağstafa RİH-in əməkdaşları Hamil Həsənov və Cəlal Nəsibov, gənc könüllülər, tarix müəllimləri və rayon ziyalılarının iştirak etdiyi seminar Ulu öndərin Ağstafa rayon Heydər Əliyev Mərkəzinin önündə ucaldılmış abidəsinin ziyarət edilməsi ilə başlanıb. Daha sonra qonaqlar qoruq ərazisində aşkarlanmış maddi mədəniyyət nümunələrindən ibarət sərgi, qoruğa məxsus çap məhsulları, o cümlədən, fraqmentləşmiş halda aşkarlanmış artefaktların qoruq əməkdaşı tərəfindən bərpa edilməsi prosesi ilə tanış olublar.
“Keşikçidağ” qoruğunun direktoru Musa Mursaquliyev seminarı açıq elan edib. Sonra layihənin ekspedisiya rəhbəri dosent Şamil Nəcəfov, institutun aparıcı elmi işçisi tarix üzrə fəlsəfə doktoru, dosent Vaqif Əsədov, elmi işçi, bərpaçı-rəssam Fərhad Fərmanov, Bakı Dövlət Universiteti Qazax filialının baş müəllimi İndira Səmədova, rayonun tarix müəllimləri, digər qoruqların əməkdaşları və Dövlət Xidmətinin Gəncə Regional Bölməsinin abidə mühafizəçilərinin çıxışları dinlənilib.
Qoruğun əməkdaşı Firuzə Məmmədova layihə müddətində arxeoloji qazıntı sahəsinə gəlmiş ekskursiyaçıların sayı, layihənin mediada işıqlandırılması barədə məlumat verib.
Mədəni İrsin Qorunması, İnkişafı və Bərpası üzrə Dövlət Xidmətinin tabeliyində fəaliyyət göstərən qoruqların elmi işçiləri “Zoom” platforması vasitəsilə elmi seminara qoşulublar.
